ಟೀಂ ಇಂಡಿಯಾಗೆ ಗುಡ್ ಬೈ ಹೇಳಲು ರೆಡಿಯಾದ ರವಿಶಾಸ್ತ್ರಿ!

ಲಂಡನ್: ಇನ್ನೇನು ಟೀಂ ಇಂಡಿಯಾ ಕೋಚ್ ರವಿಶಾಸ್ತ್ರಿ ಅವಧಿ ಅಕ್ಟೋಬರ್ ಗೆ ಮುಗಿಯಲಿದೆ. ಇದಾದ ಬಳಿಕವೂ ಅವರು ಮತ್ತೊಮ್ಮೆ ಕೋಚ್ ಆಗಲಿದ್ದಾರೆಯೇ?

ಮೂಲಗಳ ಪ್ರಕಾರ ಸ್ವತಃ ರವಿಶಾಸ್ತ್ರಿಗೆ ಮತ್ತೊಂದು ಬಾರಿಗೆ ಟೀಂ ಇಂಡಿಯಾ ಕೋಚ್ ಹುದ್ದೆಗೇರುವ ಮನಸ್ಸಿಲ್ಲ ಎನ್ನಲಾಗಿದೆ. ಈ ಹಿನ್ನಲೆಯಲ್ಲಿ ಅವರೇ ಕೋಚ್ ಹುದ್ದೆಯಿಂದ ಹಿಂದೆ ಸರಿಯಲಿದ್ದು, ಈ ಬಾರಿಯ ಟಿ20 ವಿಶ್ವಕಪ್ ರವಿಶಾಸ್ತ್ರಿ ಮತ್ತು ಅವರ ಸಹಾಯಕ ಸಿಬ್ಬಂದಿಗಳ ಪಡೆಗೆ ಕೊನೆಯ ಸರಣಿ ಎನ್ನಲಾಗಿದೆ.

ಇದೀಗ ಬಿಸಿಸಿಐ ದ್ರಾವಿಡ್ ರನ್ನು ಎನ್ ಸಿಎ ಅಧ್ಯಕ್ಷ ಸ್ಥಾನದಿಂದ ಮುಕ್ತಗೊಳಿಸುತ್ತಿರುವುದು ಈ ಅನುಮಾನಕ್ಕೆ ಮತ್ತಷ್ಟು ಪುಷ್ಠಿ ನೀಡಿದೆ. ದ್ರಾವಿಡ್ ರನ್ನೇ ಭವಿಷ್ಯದಲ್ಲಿ ಟೀಂ ಇಂಡಿಯಾ ಕೋಚ್ ಸ್ಥಾನಕ್ಕೆ ನಿಯುಕ್ತಿಗೊಳಿಸುವ ಯೋಚನೆಯೂ ಬಿಸಿಸಿಐ ಮುಂದಿದೆ ಎನ್ನಲಾಗಿದೆ. ಏನೇ ಆದರೂ ರವಿಶಾಸ್ತ್ರಿ ತಂಡದಿಂದ ಹೊರಬರಲು ನಿರ್ಧರಿಸಿರುವುದರಿಂದ ಭಾರತ ತಂಡಕ್ಕೆ ಹೊಸ ಕೋಚ್ ಆಗಮನವಾಗುವುದು ಖಚಿತ.