ಟೀಂ ಇಂಡಿಯಾಗೆ ಮತ್ತೆ ರವಿಶಾಸ್ತ್ರಿಯೇ ಕೋಚ್

ಮುಂಬೈ: ಟೀಂ ಇಂಡಿಯಾಗೆ ನೂತನ ಕೋಚ್ ಆಯ್ಕೆ ಪ್ರಕ್ರಿಯೆ ಮುಗಿದಿದ್ದು, ಹಾಲಿ ಕೋಚ್ ರವಿಶಾಸ್ತ್ರಿಯನ್ನೇ ಮುಂದುವರಿಸಲಾಗಿದೆ. ಕಪಿಲ್ ದೇವ್ ನೇತೃತ್ವದ ಆಯ್ಕೆ ಸಮಿತಿ ಈ ಘೋಷಣೆ ಮಾಡಿದೆ.

ಕಪಿಲ್ ನೇತೃತ್ವದ ತ್ರಿಸದಸ್ಯ ಸಮಿತಿ ಇನ್ನು ಎರಡು ವರ್ಷಗಳಿಗೆ ರವಿಶಾಸ್ತ್ರಿಯನ್ನೇ ಮುಂದುವರಿಸುವ ನಿರ್ಧಾರ ಕೈಗೊಂಡಿದೆ. ಟಾಮ್ ಮೂಡಿ, ಮೈಕ್ ಹಸನ್, ಲಾಲ್ ಚಂದ್ ರಜಪೂತ್, ರಾಬಿನ್ ಸಿಂಗ್ ಮುಂತಾದವರು ಸ್ಪರ್ಧೆಯಲ್ಲಿದ್ದರು.

ಈ ಪೈಕಿ ಫಿಲ್ ಸಿಮೋನ್ಸ್ ಕೊನೆಯ ಕ್ಷಣದಲ್ಲಿ ಸಂದರ್ಶನಕ್ಕೆ ಹಾಜರಾಗಲಿಲ್ಲ. ಒಟ್ಟು ಆರು ಗಂಟೆಗಳ ಕಾಲ ಸಂದರ್ಶನ ನಡೆಯಿತು. ಈ ಪೈಕಿ ಅಂತಿಮವಾಗಿ ರವಿಶಾಸ್ತ್ರಿಯನ್ನೇ ಪುನರಾಯ್ಕೆ ಮಾಡಲಾಗಿದೆ.