ಸೌರವ್ ಗಂಗೂಲಿಯ ಈ ಐಡಿಯಾ ಪಕ್ಕಾ ಫ್ಲಾಪ್ ಆಗುತ್ತೆ ಎಂದ ಪಾಕ್ ಮಾಜಿ ಕ್ರಿಕೆಟಿಗ

ಮುಂಬೈ: ನಾಲ್ಕು ರಾಷ್ಟ್ರಗಳನ್ನೊಳಗೊಂಡ ಸೂಪರ್ ಸೀರೀಸ್ ಆಯೋಜಿಸುವ ಬಿಸಿಸಿಐ ಅಧ್ಯಕ್ಷ ಸೌರವ್ ಗಂಗೂಲಿ ಐಡಿಯಾ ಸಫಲವಾಗುವುದಿಲ್ಲ ಎಂದು ಪಾಕಿಸ್ತಾನದ ಮಾಜಿ ಕ್ರಿಕೆಟಿಗ ರಶೀದ್ ಲತೀಫ್ ಕುಹುಕವಾಡಿದ್ದಾರೆ.

ಬಿಸಿಸಿಐ ಮತ್ತು ಆಸ್ಟ್ರೇಲಿಯಾ ಕ್ರಿಕೆಟ್ ಮಂಡಳಿ ಈ ಬಗ್ಗೆ ಚರ್ಚೆ ನಡೆಸಿ ನಾಲ್ಕು ಬಲಿಷ್ಠ ರಾಷ್ಟ್ರಗಳನ್ನೊಳಗೊಂಡ ಏಕದಿನ ಸರಣಿಯನ್ನು ಪ್ರತೀ ವರ್ಷ ಆಯೋಜಿಸುವ ಯೋಜನೆ ರೂಪಿಸಿದ್ದಾರೆ. ಇದಕ್ಕೆ ಇಂಗ್ಲೆಂಡ್ ಕೂಡಾ ಜತೆಯಾಗುವುದಾಗಿ ಹೇಳಿಕೊಂಡಿದೆ. ನಾಲ್ಕನೇ ತಂಡ ಅಂತಿಮವಾಗಬೇಕಿದೆ.

ಆದರೆ ಗಂಗೂಲಿಯ ಈ ಐಡಿಯಾ ಯಶಸ್ವಿಯಾಗದು. ಇದು ಪಕ್ಕಾ ಫ್ಲಾಪ್ ಆಗುತ್ತದೆ. ಆ ಮೂಲಕ ಈ ನಾಲ್ಕು ರಾಷ್ಟ್ರಗಳು ಇತರ ಕ್ರಿಕೆಟ್ ಆಡುವ ದೇಶಗಳಿಂದ ಪ್ರತ್ಯೇಕವಾಗಲಿದ್ದಾರೆ. ಇದು ಒಳ್ಳೆಯ ಬೆಳವಣಿಗೆ ಅಲ್ಲ’ ಎಂದು ರಶೀದ್ ಲತೀಫ್ ಹೇಳಿದ್ದಾರೆ.