ರಣಜಿ ಟ್ರೋಫಿ ಕ್ರಿಕೆಟ್: ಜತೆಯಾಟ ಸಿಕ್ಕರೆ ಕರ್ನಾಟಕಕ್ಕೆ ಗೆಲುವು ಖಚಿತ

ಬೆಂಗಳೂರು: ರಣಜಿ ಟ್ರೋಫಿ ಕ್ರಿಕೆಟ್ ಪಂದ್ಯಾವಳಿಯ ಕ್ವಾರ್ಟರ್ ಫೈನಲ್ ಪಂದ್ಯದಲ್ಲಿ ಕರ್ನಾಟಕ ರಾಜಸ್ಥಾನ ನೀಡಿದ 184 ರನ್ ಗಳ ಟಾರ್ಗೆಟ್ ಬೆನ್ನತ್ತಿದೆ.

ಮೂರನೇ ದಿನದಂತ್ಯಕ್ಕೆ ಕರ್ನಾಟಕಕ್ಕೆ ಗೆಲುವು ತೂಗುಯ್ಯಾಲೆಯಂತಾಗಿದೆ. ದ್ವಿತೀಯ ಇನಿಂಗ್ಸ್ ನಲ್ಲಿ ಆರಂಭಿಕ ಆಘಾತ ಅನುಭವಿಸಿರುವ ಕರ್ನಾಟಕ 3 ವಿಕೆಟ್ ನಷ್ಟಕ್ಕೆ 45 ರನ್ ಗಳಿಸಿದೆ. ಗೆಲುವಿಗೆ ಇನ್ನೂ 139 ರನ್ ಗಳಿಸಬೇಕಿದೆ.

ಕರ್ನಾಟಕ ಪರ ಆರಂಭಿಕರಾದ ದೇಗಾ ನಿಶ್ಚಲ್, ರವಿಕಾಂತ್ ಸಮರ್ಥ್ ತಲಾ 1 ಮತ್ತು 16 ರನ್ ಗಳಿಸಿ ಔಟಾದರು. ಕೆ ಸಿದ್ಧಾರ್ಥ್ ಕೂಡಾ ಕೇವಲ 5 ರನ್ ಗಳಿಗೆ ವಿಕೆಟ್ ಒಪ್ಪಿಸಿ ಕುಸಿತಕ್ಕೆ ಕಾರಣರಾದರು. ಇದೀಗ ಕರುಣ್ ನಾಯರ್ 18 ಮತ್ತು ರೋನಿತ್ ಮೋರೆ 8 ರನ್ ಗಳಿಸಿ ಕ್ರೀಸ್ ನಲ್ಲಿದ್ದಾರೆ.  ಸಶಕ್ತ ಜತೆಯಾಟವಾಡಿದರೆ ಮಾತ್ರ ಗೆಲುವು ಸಾಧ್ಯ ಎಂಬ ಪರಿಸ್ಥಿತಿ ಕರ್ನಾಟಕಕ್ಕೆ ಎದುರಾಗಿದೆ. ನಾಳೆ ಒಂದು ದಿನದ ಆಟ ಬಾಕಿಯಿದೆ.

ತಾಜಾ ಸುದ್ದಿಗಳನ್ನು ಓದಲು ವೆಬ್ ದುನಿಯಾ ಮೊಬೈಲ್ ಆಪ್ ಡೌನ್ ಲೋಡ್ ಮಾಡಿ