ರಾಹುಲ್ ದ್ರಾವಿಡ್, ಧೋನಿ, ಗವಾಸ್ಕರ್ ವಿರುದ್ಧ ಹೊಸ ಆರೋಪ

ಮುಂಬೈ: ನಿನ್ನೆಯಷ್ಟೇ ಬಿಸಿಸಿಐ ಆಡಳಿತ ಮಂಡಳಿಗೆ ರಾಜೀನಾಮೆಯಿತ್ತ ರಾಮಚಂದ್ರ ಗುಹಾ ಪ್ರಮುಖ ಕ್ರಿಕೆಟಿಗರಾದ ರಾಹುಲ್ ದ್ರಾವಿಡ್, ಧೋನಿ ಮತ್ತು ಗವಾಸ್ಕರ್ ರಂತಹ ಆಟಗಾರರ ವಿರುದ್ಧ ಆರೋಪ ಮಾಡಿದ್ದಾರೆ.

ಇವರೆಲ್ಲಾ ರಾಷ್ಟ್ರೀಯ ತಂಡದ ಸೇವೆಯ ಜತೆಗೆ ಲಾಭದಾಯಕ ಹದ್ದೆಯಲ್ಲಿದ್ದಾರೆಂದು ಗುಹಾ  ಆಡಳಿತ ಮಂಡಳಿ ಅಧ್ಯಕ್ಷ ವಿನೋದ್ ರಾಯ್ ಗೆ ಪತ್ರ ಬರೆದಿದ್ದಾರೆ. ರಾಹಲ್ ದ್ರಾವಿಡ್ 10 ತಿಂಗಳು ಮಾತ್ರ ರಾಷ್ಟ್ರೀಯ ತಂಡಕ್ಕೆ ಸೇವೆ ಸಲ್ಲಿಸುತ್ತಾರೆ. ಉಳಿದ ಎರಡು ದಿನಗಳಲ್ಲಿ ಐಪಿಎಲ್ ತಂಡಕ್ಕೆ ಕೆಲಸ ಮಾಡುತ್ತಾರೆ.

ಅದೇ ರೀತಿ ಧೋನಿ ತಮ್ಮ ಕ್ರಿಕೆಟ್ ವೃತ್ತಿಯ ಜತೆಗೆ ಹಲವು ಸಂಸ್ಥೆಗಳಲ್ಲಿ ಲಾಭದಾಯಕ ಹುದ್ದೆಯಲ್ಲಿದ್ದಾರೆ. ಗವಾಸ್ಕರ್ ಕೂಡಾ ಲಾಭದಾಯಕ ಹುದ್ದೆಯಲ್ಲಿದ್ದರೂ, ಬಿಸಿಸಿಐನ ವೇತನ ಪಡೆಯುತ್ತಿದ್ದಾರೆ ಎಂದು ಗುಹಾ ಪತ್ರದಲ್ಲಿ ಆರೋಪಿಸಿದ್ದಾರೆ.

ಆ ಮೂಲಕ ಸುಪ್ರೀಂ ಕೋರ್ಟ್ ನಿರ್ದೇಶಿಸಿದಂತೆ ಕ್ರಿಕೆಟಿಗರು ಲಾಭದಾಯಕ ಹುದ್ದೆಯಲ್ಲಿರಬಾರದು ಎಂಬ ನಿಯಮ ಪಾಲನೆಯಾಗುತ್ತಿಲ್ಲ ಎಂದು ಆರೋಪಿಸಿದ್ದಾರೆ.

ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ