ಮಳೆಯಿಂದಾಗಿ ರದ್ದಾದ ಭಾರತ-ದ.ಆಫ್ರಿಕಾ ಮೊದಲ ಟಿ20

ಧರ್ಮಶಾಲಾ: ಭಾರತ ಮತ್ತು ದ.ಆಫ್ರಿಕಾ ನಡುವಿನ ಮೊದಲ ಟಿ20 ಪಂದ್ಯಕ್ಕೆ ಮಳೆಯಿಂದಾಗಿ ಒಂದೂ ಎಸೆತ ಕಾಣದೇ ರದ್ದಾಗಿದೆ.

ಬೆಳಿಗ್ಗಿನಿಂದಲೇ ಇಲ್ಲಿ ಮಳೆಯಾಗುತ್ತಿತ್ತು. ಹೀಗಾಗಿ ಕ್ರೀಡಾಂಗಣದ ತುಂಬಾ ನೀರು ತುಂಬಿತ್ತು. ಸಂಜೆ ವೇಳೆಗೂ ಹನಿ ಮಳೆ ಮುಂದುವರಿದಿತ್ತು. ಈ ಸಂದರ್ಭದಲ್ಲಿ ಮೈದಾನ ಸಿಬ್ಬಂದಿ ಸತತ ಪ್ರಯತ್ನ ನಡೆಸಿದರೂ ಕವರ್ ಮೇಲೆ ತುಂಬಿದ್ದ ನೀರು ತೆಗೆಯಲು ಸಾಧ್ಯವಾಗಲಿಲ್ಲ.

ಹೀಗಾಗಿ ಟಾಸ್ ಕೂಡಾ ನಡೆಯಲಿಲ್ಲ. ಕನಿಷ್ಠ ಐದು ಓವರ್ ಗಳ ಪಂದ್ಯವನ್ನು ನಡೆಸಲು ಮೈದಾನದ ಸ್ಥಿತಿ ಸರಿಯಿರದ ಕಾರಣ ಪಂದ್ಯವನ್ನು ರದ್ದುಗೊಳಿಸಲಾಯಿತು.