ನ್ಯೂಜಿಲೆಂಡ್ ನಾಯಕ ಬ್ರೆಂಡನ್ ಮೆಕಲಮ್ ಸ್ಫೋಟಕ ಬ್ಯಾಟಿಂಗ್ ಮೂಲಕ ಇಂಗ್ಲಿಷ್ ಟಿ20 ಬ್ಲಾಸ್ಟ್ ಸ್ಪರ್ಧೆಯಲ್ಲಿ ಶುಕ್ರವಾರ 64 ಎಸೆತಗಳಲ್ಲಿ ಅಜೇಯ 158 ರನ್ ಬಾರಿಸುವ ಮೂಲಕ ಹೊಸ ದಾಖಲೆ ನಿರ್ಮಿಸಿದ್ದಾರೆ.ವಾರ್ವಿಕ್‌ಶೈರ್ ಕೌಂಟಿ ಪರ ಆಡಿದ ಮೆಕಲಮ್ ಡರ್ಬಿಷೈರ್ ದಾಳಿಯನ್ನು ಮನಬಂದಂತೆ ದಂಡಿಸಿ 42 ಎಸೆತಗಳಲ್ಲಿ ಶತಕ ಬಾರಿಸಿದರು.
11 ಸಿಕ್ಸರ್‌‌‌ಗಳು ಮತ್ತು 11 ಬೌಂಡರಿಗಳೊಂದಿಗೆ ಎರಡನೇ ಅತ್ಯಧಿಕ ಟಿ20 ಸ್ಕೋರ್ ಮೆಕಲಮ್ ಮಾಡಿದ್ದಾರೆ. ವೆಸ್ಟ್ ಇಂಡೀಸ್ ಬ್ಯಾಟ್ಸ್‌ಮನ್ ಕ್ರಿಸ್ ಗೇಲ್ 2013ರ ಐಪಿಎಲ್‌ನಲ್ಲಿ 175 ಗರಿಷ್ಠ ರನ್ ಬಾರಿಸಿದ್ದರು.
ರಾಷ್ಟ್ರೀಯ ತಂಡದ ಜೊತೆ ಒಂದು ವರ್ಷ ವಿಸ್ತರಣೆ ಒಪ್ಪಂದಕ್ಕೆ ಸಹಿ ಹಾಕಿದ್ದ ಮೆಕಲಮ್ 2014ರಲ್ಲಿ ಲ್ಯೂಕ್ ರೈಟ್ ಸಸೆಕ್ಸ್ ಪರ ಬಾರಿಸಿದ್ದ 153 ರನ್ ಹಿಂದಿನ ದಾಖಲೆಯನ್ನು ಮುರಿದಿದ್ದಾರೆ.
