ಅಭಿಮಾನಿಗಳಿಗೆ ತಮ್ಮ ಅಭಿಮಾನಿ ದೇವರು ಎದುರಿಗೆ ಬಂದಾಗ ಏನು ಮಾಡುತ್ತಿದ್ದೇವೆ ಎನ್ನುವುದರ ಪರಿವೆಯೇ ಇರುವುದಿಲ್ಲ. ಅವರಿಗೆ ಅದೊಂದು ವಿಶಿಷ್ಠ, ಅದ್ಭತ, ರೋಚಕ ಕ್ಷಣವಾಗಿರುತ್ತದೆ.
ಸುಂದರವಾದ ಯುವತಿಯೊಬ್ಬಳು, ಟೀಂ ಇಂಡಿಯಾ ನಾಯಕ ಧೋನಿಯೊಂದಿಗೆ ಸೆಲ್ಫಿ ತೆಗೆಸಿಕೊಳ್ಳುವ ಏಕೈಕ ಉದ್ದೇಶದಿಂದ ಧೋನಿಯ ಹಮ್ಮರ್ ಮಾಡೆಲ್ ವಾಹನ, ಏರ್‌ಪೋರ್ಟ್‌ಗೆ ತೆರಳುತ್ತಿರುವುದು ಕಂಡು ಕೂಡಲೇ ತನ್ನ ಸ್ಕೂಟಿಯಲ್ಲಿ ಬೆನ್ನಟ್ಟಿದ್ದಾಳೆ.
ಎಂ.ಎಸ್.ಧೋನಿ ತಮ್ಮ ರಾಂಚಿಯಲ್ಲಿರುವ ಮನೆಯಿಂದ ವಿಮಾನ ನಿಲ್ದಾಣಕ್ಕೆ ತೆರಳಿ, ಅಲ್ಲಿಂದ ಮುಂಬೈ ವಿಮಾನ ಹತ್ತಲು ನಿರ್ಧರಿಸಿದ್ದಾರೆ. ಮನೆಯಲ್ಲಿದ್ದ ತಮ್ಮ ಹಮ್ಮರ್ ವಾಹನವನ್ನು ತೆಗೆದುಕೊಂಡು ವಿಮಾನ ನಿಲ್ದಾಣಕ್ಕೆ ಹೊರಟಿದ್ದಾರೆ.
ದಾರಿಯಲ್ಲಿ ಕಾರಿನಲ್ಲಿ ಧೋನಿ ಇರುವುದು ಕಂಡ ಕೆಲವು ಯುವತಿಯರು ಜೋರಾಗಿ ಕೂಗಿ ತಮ್ಮ ಸಂತಸ ವ್ಯಕ್ತಪಡಿಸಿದ್ದಾರೆ.
ಆದರೆ, ಆರಾಧ್ಯ ಎನ್ನುವ ಯುವತಿ ಕೂಡಲೇ ತನ್ನ ಸ್ಕೂಟಿಯನ್ನು ಹೊರತೆಗೆದು ಧೋನಿ ವಾಹನವನ್ನು ಬೆನ್ನಟ್ಟಿದ್ದಾಳೆ. ಧೋನಿಯ ವಾಹನ ಹತ್ತಿರ ಬರುತ್ತಿದ್ದಂತೆ ಧೋನಿ ..ಧೋನಿ ಎಂದು ಕೂಗಿದ್ದಾಳೆ.
ಯುವತಿಯ ಕೂಗು ಕೇಳಿದ ಧೋನಿ ತಮ್ಮ ವಾಹನವನ್ನು ನಿಲ್ಲಿಸಿ ಆರಾಧ್ಯಳೊಂದಿಗೆ ಸೆಲ್ಫಿ ತೆಗೆದುಕೊಂಡಿದ್ದಾರೆ. ಆರಾಧ್ಯ ತನ್ನ ಮತ್ತು ಧೋನಿಯ ಸೆಲ್ಫ್ತಿಚಿತ್ರವನ್ನು ಸಾಮಾಜಿಕ ಜಾಲ ತಾಣಗಳಲ್ಲಿ ಪೋಸ್ಟ್ ಮಾಡಿದ್ದಾಳೆ.
ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ
ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ
