ಶ್ರೀಲಂಕಾದ ನೆಲದಲ್ಲಿ ಇತಿಹಾಸ ನಿರ್ಮಿಸಿದ ವಿರಾಟ್ ಕೊಹ್ಲಿ

ಕೊಲಂಬೊ:  ನಾಯಕ ವಿರಾಟ್ ಕೊಹ್ಲಿ ಭಾರತಕ್ಕೆ 2-1ರಿಂದ ಸರಣಿ ಜಯ ತಂದುಕೊಡುವ ಮೂಲಕ ಸಿಂಹಳ ಕ್ರೀಡಾ ಕ್ಲಬ್ ಮೈದಾನದಲ್ಲಿ ಇತಿಹಾಸ ನಿರ್ಮಿಸಿದರು. ದ್ವೀಪ ರಾಷ್ಟ್ರದಲ್ಲಿ ಭಾರತ ಶ್ರೀಲಂಕಾವನ್ನು 117 ರನ್‌ಗಳಿಂದ 2-1ರಿಂದ ಸೋಲಿಸಿ ಇತಿಹಾಸ ನಿರ್ಮಿಸಿದೆ. 386 ರನ್ ಬೆನ್ನಟ್ಟಿದ ಶ್ರೀಲಂಕಾ ಅಂತಿಮ ದಿನ 268ಕ್ಕೆ ಎಲ್ಲಾ ವಿಕೆಟ್ ಕಳೆದುಕೊಂಡು ಸೋಲಿಗೆ ಶರಣಾಯಿತು. ಗಾಲೆಯಲ್ಲಿ ಓಪನಿಂಗ್ ಪಂದ್ಯ ಸೋತಬಳಿಕ ಭಾರತಕ್ಕೆ ಇದು ಭರ್ಜರಿ ಕಮ್ ಬ್ಯಾಕ್ ಆಗಿದೆ. 

ಈ ಜಯದೊಂದಿಗೆ ಕೊಹ್ಲಿ ಮಹಮ್ಮದ್ ಅಜರುದ್ದೀನ್ ಬಳಿಕ ಶ್ರೀಲಂಕಾದಲ್ಲಿ ಟೆಸ್ಟ್ ಗೆಲುವು ಗಳಿಸಿದ ಎರಡನೇ ನಾಯಕರಾಗಿದ್ದಾರೆ.  1993ರಲ್ಲಿ ಅಜರುದ್ದೀನ್ ನಾಯಕತ್ವದಲ್ಲಿ ಭಾರತ ಗೆಲುವು ಗಳಿಸಿತ್ತು. ಕೊಹ್ಲಿ ಭಾರತದ ಲೀಡಿಂಗ್ ರನ್ ಸ್ಕೋರರ್ ಕೂಡ ಆಗಿದ್ದು, 6 ಇನ್ನಿಂಗ್ಸ್‌ಗಳಲ್ಲಿ ಒಂದು ಶತಕ ಮತ್ತು ಒಂದು ಅರ್ಧಶತಕದಿಂದ 233 ರನ್ ಗಳಿಸಿದ್ದರು. 

 26 ವರ್ಷದ ಕೊಹ್ಲಿಗೆ ಇದು ದಾಖಲೆಯ ಸಾಧನೆಯಾಗಿದ್ದು, ಶ್ರೀಲಂಕಾ ಪ್ರವಾಸದ ನಾಯಕರಾಗಿ ಮೊದಲ ಯಶಸ್ಸಿನ ರುಚಿಯನ್ನು ಅವರು ಕಂಡಿದ್ದಾರೆ. ಸರಣಿಯಲ್ಲಿ ನಾಯಕರಾಗಿ ಗೆದ್ದ ಮೊದಲ ಜಯ ಇದಾಗಿದೆ.  ವಿದೇಶದಲ್ಲಿ ಸರಣಿ ಗೆದ್ದ ಅತೀ ಕಿರಿಯ ನಾಯಕ ಎಂಬ ಹೆಗ್ಗಳಿಕೆಗೂ ಪಾತ್ರರಾಗಿದ್ದಾರೆ. 

1985 -ಸೋಲು 0-1 (3 ಪಂದ್ಯಗಳ ಸರಣಿಯಲ್ಲಿ) - (ನಾಯಕ - ಕಪಿಲ್ ದೇವ್) ,

1993 - ಗೆಲುವು 1-0 (3) (ಮೊಹಮ್ಮದ್ ಅಜರುದ್ದೀನ್), 

1997 - ಡ್ರಾ 0-0 (2) (ಸಚಿನ್) 

1999 (ಏಷ್ಯನ್ ಟೆಸ್ಟ್ ಚಾಂಪಿಯನ್ ಷಿಪ್ ) - ಸೋಲು 1-2 (3) (ಸೌರವ್ ಗಂಗೂಲಿ) 2008 -  ಸೋಲು  1-2 (3) (ಅನಿಲ್ ಕುಂಬ್ಳೆ) 

2010 - ಡ್ರಾ 1-1 (3) (ಮಹೇಂದ್ರ ಸಿಂಗ್ ಧೋನಿ) 

2015  2-1 (3) (ವಿರಾಟ್ ಕೊಹ್ಲಿ)