ಕಿರು ಸರಣಿಗಾಗಿ ಜಿಂಬಾಬ್ವೆಗೆ ಆಗಮಿಸಿದ ಭಾರತ ತಂಡ

ನಾಯಕ ಮಹೇಂದ್ರ ಸಿಂಗ್ ಧೋನಿ ಸಾರಥ್ಯದಲ್ಲಿ 16 ಆಟಗಾರರ ಭಾರತ ಕ್ರಿಕೆಟ್ ತಂಡವು ಶನಿವಾರದಿಂದ ಆರಂಭವಾಗುವ ಕಿರು ಸೀಮಿತ ಓವರುಗಳ ಸರಣಿಯಲ್ಲಿ  ಆಡುವುದಕ್ಕೆ ಇಲ್ಲಿಗೆ ಆಗಮಿಸಿದೆ. ಮಂಗಳವಾರ ಮುಂಬೈಯನ್ನು ಬಿಟ್ಟಿದ್ದ ತಂಡ ಸುದೀರ್ಘ ಅವಧಿಯ ಪ್ರಯಾಣದ ಬಳಿಕ ಇಲ್ಲಿಗೆ ಬಂದು ತಲುಪಿದೆ.

ಹರಾರೆ ಅಂತಾರಾಷ್ಟ್ರೀಯ ವಿಮಾನನಿಲ್ದಾಣದಲ್ಲಿ ಆಟಗಾರರ ಆಗಮನವನ್ನು ಬಿಸಿಸಿಐ ಟ್ವೀಟ್ ಮಾಡಿದ್ದು ಧೋನಿ ಮತ್ತು ಅವರ ತಂಡ ವಿಮಾನನಿಲ್ದಾಣದಲ್ಲಿ ವಿಧಿವಿಧಾನಗಳನ್ನು ಪೂರೈಸುವ ಚಿತ್ರಗಳನ್ನು ಪೋಸ್ಟ್ ಮಾಡಲಾಗಿದೆ. ತಂಡವು ಜಿಂಬಾಬ್ವೆ ವಿರುದ್ಧ ಜೂನ್ 11 ಮತ್ತು 22ರ ನಡುವೆ  ಮೂರು ಏಕದಿನ ಪಂದ್ಯಗಳನ್ನು ಮತ್ತು ಅಷ್ಟೇ ಸಂಖ್ಯೆಯ ಟಿ 20 ಪಂದ್ಯಗಳನ್ನು ಆಡಲಿದೆ. ಎಲ್ಲಾ ಪಂದ್ಯಗಳನ್ನು ಹರಾರೆ ಕ್ರೀಡಾ ಕ್ಲಬ್‌ನಲ್ಲಿ ಆಡಿಸುವುದಕ್ಕೆ ನಿಗದಿಯಾಗಿದೆ.

ಏಕದಿನ ಪಂದ್ಯಗಳನ್ನು ಜೂನ್ 11, 13 ಮತ್ತು 15ರಂದು ಆಡಲಾಗುತ್ತದೆ ಮತ್ತು ಟಿ 20 ಪಂದ್ಯಗಳನ್ನು ಜೂನ್ 18, 20 ಮತ್ತು 22ರಂದು ಆಡಲಾಗುತ್ತದೆ.  ಹೊಸ ನೋಟದ ಭಾರತ ತಂಡವು ವಿರಾಟ್ ಕೊಹ್ಲಿ, ರೋಹಿತ್ ಶರ್ಮಾ, ಶಿಖರ್ ಧವನ್ ಮತ್ತು ರವಿಚಂದ್ರನ್ ಅಶ್ವಿನ್ ಮುಂತಾದ ಹಿರಿಯ ಆಟಗಾರರ ಅನುಪಸ್ಥಿತಿಯಲ್ಲಿ ಹರಾರೆಗೆ ಆಗಮಿಸಿದೆ. 

ತಾಜಾ ಸುದ್ದಿಗಳಿಗಾಗಿ ವೆಬ್ ದುನಿಯಾ ಮೊಬೈಲ್ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ.