ಆಸ್ಟ್ರೇಲಿಯನ್ನರಿಗೆ ವಿರಾಟ್ ಕೊಹ್ಲಿ ನಂ.1 ಶತ್ರುವಂತೆ!

ಸಿಡ್ನಿ: ಸದ್ಯದಲ್ಲೇ ಭಾರತ ಪ್ರವಾಸ ಮಾಡಲಿರುವ ಆಸ್ಟ್ರೇಲಿಯಾ ಕ್ರಿಕೆಟ್ ತಂಡಕ್ಕೆ ಇದೀಗ ಕೊಹ್ಲಿಯದ್ದೇ ಭಯ. ಸದ್ಯಕ್ಕೇ ಅವರೇ ಆಸ್ಟ್ರೇಲಿಯನ್ನರ ನಂ.1 ಶತ್ರು ಎಂದು ಮಾಜಿ ಆಟಗಾರ ಮೈಕ್ ಹಸ್ಸಿ ಹೇಳಿಕೊಂಡಿದ್ದಾರೆ.

ಕೊಹ್ಲಿಯನ್ನು ಮೈದಾನದಲ್ಲಿ ಮಾತಿನ ಮೂಲಕ ಕೆಣಕಿದರೆ ಅವರು ಇನ್ನಷ್ಟು ಹಠ ತೊಟ್ಟವರಂತೆ ಚೆನ್ನಾಗಿ ಆಡುತ್ತಾರೆ. ಅದನ್ನೇ ಸವಾಲಾಗಿ ಸ್ವೀಕರಿಸುತ್ತಾರೆ. ಬೇರೆ ಆಟಗಾರರಂತೆ ಕುಗ್ಗುವುದಿಲ್ಲ. ಅವರ ಇಂತಹ ಮನೋಭಾವವೇ ಅವರನ್ನು ಯಶಸ್ಸಿನ ಉತ್ತುಂಗಕ್ಕೇರಿಸಿದೆ.

ಹಾಗಾಗಿ ಯಾವುದೇ ಕಾರಣಕ್ಕೂ ಕೊಹ್ಲಿಯನ್ನು ಕೆಣಕು ತಪ್ಪು ಮಾಡಬಾರದು ಎಂದು ಹಸ್ಸಿ ಅಭಿಪ್ರಾಯ ಪಟ್ಟಿದ್ದಾರೆ. ಆದರೆ ಹಾಗಂತ ಕೈ ಕಟ್ಟಿ ಕೂರಬಾರದು. ಅವರನ್ನು ಸದಾ ಪರೀಕ್ಷೆಗೊಳಪಡಿಸುವಂತಹ ಗೇಮ್ ಪ್ಲ್ಯಾನ್ ಮಾಡಿಕೊಳ್ಳಬೇಕು ಎಂದು ಹಸ್ಸಿ ಹೇಳಿಕೊಂಡಿದ್ದಾರೆ.

ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ