ಭಾರತದ ವಿರುದ್ಧ ಪಂದ್ಯಕ್ಕೆ ಪಾಕಿಸ್ತಾನಕ್ಕೆ ಪಕ್ಕಾ ಅಭಿಮಾನಿಯ ಬೆಂಬಲವೇ ಇಲ್ಲ!

ಲಂಡನ್: ಜೂನ್ 4 ರಂದು ಚಾಂಪಿಯನ್ಸ್ ಟ್ರೋಫಿ ಕ್ರಿಕೆಟ್ ಪಂದ್ಯಾವಳಿಯಲ್ಲಿ ಭಾರತ ಮತ್ತು ಪಾಕಿಸ್ತಾನ ತಂಡಗಳು ಎದುರಾಗುತ್ತಿವೆ. ಆ ಪಂದ್ಯದಲ್ಲಿ ಪಾಕಿಸ್ತಾನಕ್ಕೆ ತನ್ನ ಪಕ್ಕಾ ಅಭಿಮಾನಿಯ ಬೆಂಬಲವೇ ಇರುವುದಿಲ್ಲ.

ಭಾರತ ತಂಡಕ್ಕೆ ಸುಧೀರ್ ಕುಮಾರ್ ಎಲ್ಲೇ ಹೋದರೂ ಚಿಯರ್ ಅಪ್ ಮಾಡುವಂತೆ ಪಾಕಿಸ್ತಾನ ತಂಡಕ್ಕೆ ಚಾಚಾ ಚಿಕಾಗೋ ಎಂದು ಕರೆಯಿಸಿಕೊಳ್ಳುವ ಮೊಹಮ್ಮದ್ ಬಶೀರ್ ಬೆಂಬಲಿಸುತ್ತಾರೆ. ಆದರೆ  ಈ ಬಾರಿ ಪಾಕ್ ತಂಡದ ಈ ಪಕ್ಕಾ ಅಭಿಮಾನಿಯೇ ಉಲ್ಟಾ ಹೊಡೆದಿದ್ದಾರೆ.

‘ಈಗಿನ ಪರಿಸ್ಥಿತಿಯಲ್ಲಿ ಭಾರತ ಮತ್ತು ಪಾಕಿಸ್ತಾನದ ನಡುವೆ ಮೊದಲಿನ ಹಾಗೆ ಸ್ಪರ್ಧೆ ಇಲ್ಲ. ಭಾರತ ಪಾಕಿಸ್ತಾನಕ್ಕಿಂತ ಎಷ್ಟೋ ಮುಂದಿದೆ. ಅವರ ತಂಡದಲ್ಲಿ ಧೋನಿ, ಕೊಹ್ಲಿ ಯುವರಾಜ್ ನಂತಹ ದೊಡ್ಡ ಆಟಗಾರರಿದ್ದಾರೆ. ಆದರೆ ನಮ್ಮ ತಂಡದಲ್ಲಿ ಹೇಳಿಕೊಳ್ಳುವಂತಹ ಆಟಗಾರರೇ ಇಲ್ಲ’ ಎಂದು ಚಾಚಾ ಹೇಳಿಕೊಂಡಿದ್ದಾರೆ.

ಅಲ್ಲದೆ ಮೊದಲು ನಾನು ಪಾಕಿಸ್ತಾನ ತಂಡವನ್ನು ಬೆಂಬಲಿಸುತ್ತಿದ್ದೆ. ಆದರೆ ಈಗಿನ ಪರಿಸ್ಥಿತಿಯಲ್ಲಿ ನನ್ನ ಮನಸ್ಸು ಹೇಳುವ ಪ್ರಕಾರ ಭಾರತವೇ ಗೆಲ್ಲಲಿದೆ ಎಂದು ಚಾಚಾ ಭವಿಷ್ಯ ನುಡಿದಿದ್ದಾರೆ.

ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ