ಭಾರತದಲ್ಲಿಇಂಗ್ಲೆಂಡ್ ಕಷ್ಟಪಡಬೇಕು: ಜಾಂಟಿ ರೋಡ್ಸ್

ನವದೆಹಲಿ: ಮುಂಬರುವ ಟೆಸ್ಟ್ ಸರಣಿಯಲ್ಲಿ ಪರಿಸ್ಥಿತಿಗೆ ಹೊಂದಿಕೊಳ್ಳಲು ಇಂಗ್ಲೆಂಡ್ ತಂಡ ಪ್ರಯಾಸಪಡಬೇಕಾದೀತು ಎಂದು ದ.ಆಫ್ರಿಕಾದ ಮಾಜಿ ಆಟಗಾರ ಜಾಂಟಿ ರೋಡ್ಸ್ ಹೇಳಿದ್ದಾರೆ.

“ಇಂಗ್ಲೆಂಡ್ ಗೆ ಇದು ಕಷ್ಟವಾಗಲಿದೆ. ಭಾರತದಲ್ಲಿ ಎರಡು ಅಥವಾ ಮೂರು ಪಂದ್ಯವೆಂದರೆ ಹೇಗೋ ಹೊಂದಿಕೊಳ್ಳಬಹುದು. ಆದರೆ ಐದು ಟೆಸ್ಟ್ ಪಂದ್ಯವಾಡಬೇಕಾದರೆ ಆಂಗ್ಲರು ಮಾನಸಿಕವಾಗಿ ಮತ್ತು ದೈಹಿಕವಾಗಿ ಕಷ್ಟಪಡಬೇಕು. ಅದೂ ಅವರಿಗೆ ಹೊಂದಿಕೆಯಾಗದ ಪರಿಸ್ಥಿತಿಯಲ್ಲಿ ಇದು ತುಸು ಕಷ್ಟವೇ” ಎಂದು ರೋಡ್ಸ್ ಅಭಿಪ್ರಾಯಪಟ್ಟಿದ್ದಾರೆ.

ದ.ಆಫ್ರಿಕಾದ ಪರ ಆಡುತ್ತಿದ್ದ ಜಾಂಟಿ ರೋಡ್ಸ್ ಚುರುಕಿನ ಕ್ಷೇತ್ರ ರಕ್ಷಣೆಗೆ ಹೆಸರು ವಾಸಿ. ಅವರಿಗೆ ಭಾರತದಲ್ಲಿ ಜ್ಯೂನಿಯರ್ ಇಂಡಿಯನ್ ಪ್ರೀಮಿಯರ್ ಲೀಗ್ ಟಿ-ಟ್ವೆಂಟಿ ಪಂದ್ಯಾವಳಿಯಲ್ಲಿ ಕೋಚ್ ಆಗಿ ಕೆಲಸ ಮಾಡಿದ ಅನುಭವವಿದೆ.

ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ