ಬ್ರೆಬೋರ್ನ್ ಮೈದಾನದಲ್ಲಿ ಇಂಗ್ಲೆಂಡ್ ಅಭ್ಯಾಸ

ಮುಂಬೈ: ರಾಜಕೋಟ್ ನಲ್ಲಿ ನವಂಬರ್ 9 ರಿಂದ ಟೆಸ್ಟ್ ಸರಣಿ ಆರಂಭವಾಗುವ ಮೊದಲು ಇಂಗ್ಲೆಂಡ್ ಕ್ರಿಕೆಟ್ ತಂಡ ಬ್ರೆಬೊರ್ನ್ ಮೈದಾನದಲ್ಲಿ ಅಬ್ಯಾಸ ನಡೆಸಲಿದೆ.

ಆದರೆ ಐದು ಟೆಸ್ಟ್ ಪಂದ್ಯಗಳ ಸರಣಿಗೆ ಮೊದಲು ಇಂಗ್ಲೆಂಡ್ ಗೆ ಯಾವುದೇ ಅಭ್ಯಾಸ ಪಂದ್ಯ ನಿಗದಿಯಾಗಿಲ್ಲ. ಅದರ ಬದಲು ಇಂಗ್ಲೆಂಡ್ ಬ್ರೆಬೊರ್ನ್ ಮೈದಾನದಲ್ಲಿ ಒಂದು ದಿನ ಅಭ್ಯಾಸ ನಡೆಸಿ ನಂತರ ನವಂಬರ್ 6 ರಂದು ರಾಜಕೋಟ್ ಗೆ ತೆರಳಲಿದೆ. ಭಾರತ ತಂಡವೂ ನವಂಬರ್ 5 ರಂದು ರಾಜಕೋಟ್ ಗೆ ಬಂದಿಳಿಯಲಿದ್ದು, ಮರುದಿನದಿಂದ ಅಭ್ಯಾಸ ಆರಂಭಿಸಲಿದೆ.

ಇದೇ ವೇಳೆ ಮೊದಲ ಟೆಸ್ಟ್ ಪಂದ್ಯದ ವೇಳೆ ಸೌರಾಷ್ಟ್ರ ರಣಜಿ ತಂಡಕ್ಕೆ ಆಡಿದ ಮಾಜಿ ಮತ್ತು ಹಾಲಿ ಕ್ರಿಕೆಟಿಗರಿಗೆ ಕ್ರಿಕೆಟ್ ಸಂಸ್ಥೆ ಸನ್ಮಾನ ಮಾಡಲಿದೆ.

ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ