ಅಭಿಮಾನಿಗಳಿಗೆ ಇಂಗ್ಲೆಂಡ್ ವಿದೇಶಾಂಗ ಕಚೇರಿ ಎಚ್ಚರಿಕೆ

ಲಂಡನ್: ಭಾರತದಲ್ಲಿ ಟೆಸ್ಟ್ ಸರಣಿ ನೋಡಲು ಹೋಗುವ ತನ್ನ ದೇಶದ ಅಭಿಮಾನಿಗಳಿಗೆ ಮದ್ಯ ಸೇವಿಸಿ ಮೈದಾನಕ್ಕೆ ಹೋಗಬೇಡಿ ಎಂದು ಇಂಗ್ಲೆಂಡ್ ಖಡಕ್ ಎಚ್ಚರಿಕೆ ನೀಡಿದೆ.

ಮದ್ಯ ಸೇವಿಸಿಕೊಂಡು ಮೈದಾನಕ್ಕೆ ಹೋಗುವುದು, ಸಿಕ್ಕಿದ ಆಟೋ ಏರುವುದು ಮಾಡಬೇಡಿ. ಪಾಸ್ ಪೋರ್ಟ್ ಬಿಟ್ಟು ಉಳಿದ ಅಮೂಲ್ಯ ವಸ್ತುಗಳನ್ನು ಹೋಟೆಲ್ ಕೊಠಡಿಯಲ್ಲೇ ಬಿಡಿ ಎಂದು ವಿದೇಶಾಂಗ ಕಚೇರಿ ಸಂದೇಶ ನೀಡಿದೆ.

ಮದ್ಯ ಸೇವಿಸುವ ಅಭಿಮಾನಿಗಳದ್ದೇ ಬ್ರಿಟಿಷ್ ರಾಯಭಾರಿ ಕಚೇರಿಗೆ ದೊಡ್ಡ ತಲೆನೋವಾಗಿದೆ. ಮದ್ಯ ಸೇವಿಸಿ ಕ್ರೀಡಾಂಗಣಕ್ಕೆ ಪ್ರವೇಶಿಸುವಂತಿಲ್ಲ. ಹೀಗಾಗಿ ಈಗಾಗಲೇ ಟಿಕೆಟ್ ಕಾಯ್ದಿರಿಸುವ ಅಭಿಮಾನಿಗಳು ತೊಂದರೆಗೆ ಸಿಲುಕಬೇಕಾದೀತು ಎಂಬುದು ಅದರ ಚಿಂತೆ. ಭಾರತದಲ್ಲಿ ವಿವಿಧ ರಾಜ್ಯಗಳಲ್ಲಿ ಮದ್ಯಪಾನಕ್ಕೆ ಸಂಬಂಧಿಸಿದಂತೆ ವ್ಯತ್ಯಸ್ಥ ಕಾನೂನಿದೆ.

ಇನ್ನು, ಪ್ರಯಾಣಿಸುವಾಗ ರೈಲುಗಳಲ್ಲಿ ದರೋಡೆಕೋರರು, ಮಾದಕ ವ್ಯಸನಿಗಳು ಇರುವುದರಿಂದ ಎಚ್ಚರಿಕೆ ವಹಿಸಬೇಕು ಎಂದು ವಿದೇಶಾಂಗ ಕಚೇರಿ ಸೂಚಿಸಿದೆ.

ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ