ಟೆಸ್ಟ್ ಕ್ರಿಕೆಟ್‌ನಲ್ಲಿ ದ್ವಿಶತಕ ಗಳಿಸಿದ ಕೊಹ್ಲಿಗೆ ಸಿಕ್ಕಿದೆ "ಉದ್ಯೋಗ ತೃಪ್ತಿ"

ಭಾರತದ ಟೆಸ್ಟ್ ನಾಯಕ ವಿರಾಟ್ ಕೊಹ್ಲಿ ವೆಸ್ಟ್ ಇಂಡೀಸ್ ವಿರುದ್ಧ ಟೆಸ್ಟ್ ದ್ವಿಶತಕ ಸ್ಕೋರ್ ಮಾಡಿದ ಬಳಿಕ ತಮಗೆ ಉದ್ಯೋಗದಲ್ಲಿ  ತೃಪ್ತಿ ಸಿಕ್ಕಿದೆ ಎಂದು ಉದ್ಗರಿಸಿದ್ದಾರೆ. ನನಗೆ ದೊಡ್ಡ ಶತಕಗಳನ್ನು ಬಾರಿಸುವ ಸಾಮರ್ಥ್ಯವಿದೆಯೆಂದು ಗೊತ್ತಿದೆ. ಇದು ಪ್ರಥಮ ದರ್ಜೆ ಪಂದ್ಯಗಳಲ್ಲಿ ಮೊದಲ ದ್ವಿಶತಕವಾಗಿದೆ. ಈ ಗಡಿಯನ್ನು ದಾಟಿದ್ದಕ್ಕಾಗಿ ನನ್ನಲ್ಲಿ ಕೃತಜ್ಞ ಭಾವನೆ ಉಂಟಾಗಿದೆ ಎಂದು ಕೊಹ್ಲಿ ಹೇಳಿದರು.

2011ರಲ್ಲಿ ಶೋಚನೀಯ ಕ್ಯಾರಿಬಿಯನ್ ಪ್ರವಾಸದಿಂದ ಹೊತ್ತಿದ್ದ ಸಮಸ್ಯೆಯ ಹೊರೆಯನ್ನು ಈಗ ಕಳಚಿಕೊಂಡಿದ್ದೇನೆ ಎಂದು ಕೊಹ್ಲಿ ಹೇಳಿದರು.

 ವಿದೇಶಿ ನೆಲದಲ್ಲಿ  ದ್ವಿಶತಕ ಬಾರಿಸಿದ ಭಾರತದ ಮೊದಲ ಟೆಸ್ಟ್ ನಾಯಕರಾಗಿರುವ ಕೊಹ್ಲಿ ಟೆಸ್ಟ್ ಕ್ರಿಕೆಟ್ ಇಡೀ ತಂಡಕ್ಕೆ ಸಂಬಂಧಿಸಿದಂತೆ ಅತೀ ಮುಖ್ಯ ಮಾದರಿಯಾಗಿದೆ. ಟೆಸ್ಟ್ ಕ್ರಿಕೆಟ್‌ನಲ್ಲಿ ಉತ್ತಮ ಸಾಧನೆ ಮಾಡಿದಾಗ ಯಾವುದರಲ್ಲೂ ಸಿಗದ ಉದ್ಯೋಗ ತೃಪ್ತಿ ಸಿಗುತ್ತದೆ ಎಂದು ಕೊಹ್ಲಿ ಉದ್ಗರಿಸಿದರು.

ತಾಜಾ ಸುದ್ದಿಗಳಿಗಾಗಿ ವೆಬ್ ದುನಿಯಾ ಮೊಬೈಲ್ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ.