ತಾಸ್ಕಿನ್ ಅಹ್ಮದ್ ಬೌನ್ಸರ್‌ಗೆ ಆಸ್ಪತ್ರೆ ಸೇರಿದ ಬಾಂಗ್ಲಾ ಕ್ರಿಕೆಟಿಗ

ದುರದೃಷ್ಟಕರ ಘಟನೆಯೊಂದರಲ್ಲಿ , ತಾಸ್ಕಿನ್ ಅಹ್ಮದ್ ಬೌನ್ಸರ್ ಬಡಿದು ಸುಹ್ರವಾಡಿ ಶುವೊ ಎಂಬ ಕ್ರಿಕೆಟಿಗ ಆಸ್ಪತ್ರೆ ಸೇರಿದ್ದಾನೆ. ಢಾಕಾ ಪ್ರೀಮಿಯರ್ ಲೀಗ್ ಸಂದರ್ಭದಲ್ಲಿ ಮಿರ್‌ಪುರದಲ್ಲಿ ವಿಕ್ಟೋರಿಯಾ ಸ್ಪೋರ್ಟಿಂಗ್ ಕ್ಲಬ್ ಅಬಾಹಾನಿ ಲಿ. ವಿರುದ್ಧ ಪಂದ್ಯದಲ್ಲಿ ಈ ಘಟನೆ ನಡೆದಿದೆ.

ತಾಸ್ಕಿನ್ ಅಹ್ಮದ್ ಬೌನ್ಸರ್‌ನಿಂದ ಆಲ್ರೌಂಡ್ ಆಟಗಾರ ತಪ್ಪಿಸಿಕೊಳ್ಳಲು ಯತ್ನಿಸಿದಾಗ ಅವರ ಕುತ್ತಿಗೆಯ ಕೆಳಗಿನ ಬಲ ಭಾಗಕ್ಕೆ ಚೆಂಡು ಬಡಿಯಿತು. ಸ್ಥಿರ ಸ್ಥಿತಿಯಲ್ಲಿರುವ ಶುವೊ ಅಪೊಲೊ ಆಸ್ಪತ್ರೆಯಲ್ಲಿ ಎಂಆರ್‌ಐ ಸ್ಕಾನ್ ಮಾಡಿಸಿಕೊಳ್ಳಲಿದ್ದಾರೆ ಎಂದು ಬಿಸಿಬಿ ವೈದ್ಯರು ತಿಳಿಸಿದ್ದಾರೆ. 

ಅವರು ಈಗ ಸ್ಥಿರವಾಗಿದ್ದರೂ ತಲೆ ಗಾಯಗಳಿಗೆ 24 ಗಂಟೆಗಳ ಪರಿಶೀಲನೆಯಲ್ಲಿ ಇರಿಸಲಾಗುತ್ತದೆ. ನಾವು ಸ್ಕಾನ್ ಫಲಿತಾಂಶ ಬಂದ ಬಳಿಕ ಅವರ ಸ್ಥಿತಿಯನ್ನು ಅರಿಯಲು ಸಾಧ್ಯವಾಗುತ್ತದೆ. ಅವರು ಹೊಸ ಸುರಕ್ಷತೆ ನಿಯಮಗಳ ಹೆಲ್ಮೆಟ್ ಧರಿಸಿದ್ದರೆ ನೆರವಾಗುತ್ತಿತ್ತು ಎಂದು ಕ್ರಿಕೆಟ್ ವೆ‌ಬ್‌ಸೈಟ್‌ಗೆ ಅವರು ತಿಳಿಸಿದರು. 

21 ರನ್ ಸ್ಕೋರ್ ಮಾಡಿ ಬ್ಯಾಟಿಂಗ್ ಆಡುತ್ತಿದ್ದ ಶುವೊಗೆ 25 ನೇ ಓವರಿನಲ್ಲಿ ಚೆಂಡು ಬಡಿಯಿತು.  ಶುವೊ ಕೆಳಗೆ ಕುಸಿದುಬಿದ್ದ ಕೂಡಲೇ ಅಬಾಹಾನಿ ಆಟಗಾರರು ಅವರತ್ತ ಧಾವಿಸಿದರು. ನಾವು ನಾಲ್ಕು ಪರೀಕ್ಷೆಗಳನ್ನು ನಡೆಸಿದೆವು. ಅವರು ಮೂರರಲ್ಲಿ ತೇರ್ಗಡೆಯಾಗಿದ್ದರು. ಅವರ ಕಣ್ಣಿಗೆ ಬೆಳಕು ಬಿಟ್ಟಾಗ ಅವರು ಸ್ಪಂದಿಸದಿರುವುದು ಕಳವಳಕಾರಿಯಾಗಿದೆ ಎಂದು ಚೌಧರಿ ಹೇಳಿದರು.

ತಾಜಾ ಸುದ್ದಿಗಳನ್ನು ಓದಲು ಮೊಬೈಲ್ ಆಪ್ ಡೌನ್‍ಲೋಡ್ ಮಾಡಿಕೊಳ್ಳಿ.