ಬಿಸಿಸಿಐ ತನ್ನ ಕಾರ್ಯಾಚರಣೆಯನ್ನು ವಿಸ್ತರಿಸುತ್ತಿದ್ದಂತೆ, ಪಂದ್ಯದ ಅಧಿಕಾರಿಗಳು, ಅಂತಾರಾಷ್ಟ್ರೀಯ ಪಂದ್ಯಗಳು, ದೇಶೀಯ ಪಂದ್ಯಾವಳಿಗಳು ಮತ್ತು ಅದರ ನೌಕರರ ಯೋಗಕ್ಷೇಮವನ್ನು ಏಕಕಾಲದಲ್ಲಿ ನೋಡಿಕೊಳ್ಳುತ್ತದೆ. ಬಿಸಿಸಿಐ ಪ್ರತಿವರ್ಷ ತೆಗೆದುಕೊಳ್ಳುವ ವಿಮಾಪಾಲಿಸಿಗಳಲ್ಲಿ ಇದು ಬಿಂಬಿತವಾಗಿದೆ.
ಈ ಪಾಲಿಸಿಗಳ ಮೇಲೆ ಅದು ಖರ್ಚು ಮಾಡುವ ಹಣದ ಮೊತ್ತ ಕೂಡ ಬೃಹತ್ತಾಗಿದೆ. ಜುಲೈ 2013 ಮತ್ತು ಏಪ್ರಿಲ್ 2015ರ ನಡುವೆ ವಿಶ್ವದ ಅತ್ಯಂತ ಶ್ರೀಮಂತ ಕ್ರಿಕೆಟ್ ಸಂಸ್ಥೆ 3392.98 ಕೋಟಿ ರೂ. ಮೌಲ್ಯದ ವಿಮಾ ಪಾಲಿಸಿಗಳನ್ನು ಖರೀದಿಸಿದ್ದು, ಅದಕ್ಕಾಗಿ 11.68 ಕೋಟಿ ರೂ. ಪ್ರೀಮಿಯಂ ಕಟ್ಟಿದೆ.
ಬಿಸಿಸಿಐ ವಿಮಾ ಪಾಲಿಸಿಗಳು ಎಲ್ಲವನ್ನೂ ಒಳಗೊಂಡಿದ್ದು, ವೈಯಕ್ತಿಕ ವಿಮಾ ಪಾಲಿಸಿ, ಮಂಡಳಿಯ ನೌಕರರಿಗೆ ಮೆಡಿ ಕ್ಲೇಮ್ ಪಾಲಿಸಿ, ವಿವಿಧ ಕಾರಣಗಳಿಗೆ ಆಟಗಾರರ ಶುಲ್ಕ ನಷ್ಟ ಎಲ್ಲವನ್ನೂ ಒಳಗೊಂಡಿದೆ. ದೇಶೀಯ ಮತ್ತು ವಿದೇಶಿ ಆಟಗಾರರು ಈ ವಿಮಾ ವ್ಯಾಪ್ತಿಗೆ ಬರುತ್ತಾರೆ.
ಬಿಸಿಸಿಐ ಚಟುವಟಿಕೆಗಳ ಹೆಚ್ಚಳದೊಂದಿಗೆ ಕಾಲಾಂತರದಲ್ಲಿ ವಿಮೆ ಮೇಲೆ ಖರ್ಚು ಮಾಡಿದ ಹಣದ ಮೊತ್ತ ಏರಿಕೆಯಾಗಿದೆ. ಇಂದು ವಿಮೆ ರಕ್ಷಣೆ ದೂರದವರೆಗೆ ವ್ಯಾಪಿಸಿದ್ದು, ಅದರ ನಿರ್ವಹಣೆಗಳು ಸುಗಮವಾಗಿರಲು ಬಿಸಿಸಿಐ ಬೆಲೆ ತೆರಬೇಕಾಗಿದೆ. ಮಂಡಳಿ ತೆಗೆದುಕೊಂಡಿರುವ ವಿವಿಧ ವಿಮಾ ಪಾಲಿಸಿಗಳಲ್ಲಿ, ಆದಾಯ ರಕ್ಷಣೆ ಮೇಲುಗೈ ಪಡೆದಿದೆ. ಇತ್ತೀಚಿನ ಆದಾಯ ರಕ್ಷಣೆ 2041 ಕೋಟಿ ಮೌಲ್ಯವುಳ್ಳದ್ದಾಗಿದ್ದು, ಇದಕ್ಕಾಗಿ ಮಂಡಳಿಯು 7.38 ಕೋಟಿ ರೂ. ಪ್ರೀಮಿಯಂ ಪಾವತಿ ಮಾಡಿದೆ.
