ಭಾರತೀಯರ ಕೆಣಕುವಂತಹ ಪೋಸ್ಟ್ ಟ್ವೀಟ್ ಮಾಡಿದ ಬಾಂಗ್ಲಾ ಕ್ರಿಕೆಟ್ ಅಭಿಮಾನಿ

ಢಾಕಾ: ಅದೃಷ್ಟದ ಫಲವೋ, ಮಳೆಯ ಲಾಭವೋ ಒಟ್ಟಾರೆ ಆಸ್ಟ್ರೇಲಿಯಾವನ್ನೇ ಹಿಂದಿಕ್ಕೆ ಚಾಂಪಿಯನ್ಸ್ ಟ್ರೋಫಿ ಫೈನಲ್ ಗೇರಿದ ಖುಷಿಯಲ್ಲಿರುವ ಬಾಂಗ್ಲಾದೇಶ ಕ್ರಿಕೆಟ್ ಅಭಿಮಾನಿಗಳು ಇದೀಗ ಟೀಂ ಇಂಡಿಯಾ ಜತೆಗೆ ಮಾನಸಿಕ ಯುದ್ಧ ಆರಂಭಿಸಿದ್ದಾರೆ.

ನಾಳೆ ನಡೆಯಲಿರುವ ಸೆಮಿಫೈನಲ್ ಪಂದ್ಯದಲ್ಲಿ ಭಾರತ-ಬಾಂಗ್ಲಾ ಮುಖಾಮುಖಿಯಾಗಲಿದೆ. ಈ ನಿಟ್ಟಿನಲ್ಲಿ ಬಾಂಗ್ಲಾ ಅಭಿಮಾನಿಗಳು ತಮ್ಮ ಹದ್ದು ಮೀರಿದ ವರ್ತನೆ ತೋರಿ ಭಾರತೀಯರಿಗೆ ಅವಮಾನ ಎಸಗಿದ್ದಾರೆ.

ಬಾಂಗ್ಲಾ ಅಭಿಮಾನಿಗಳು ತಮ್ಮ ಟ್ವಿಟರ್ ನಲ್ಲಿ ಬಾಂಗ್ಲಾ ಧ್ವಜದ ಚಿತ್ರವಿರುವ ಹುಲಿಯೊಂದು ಭಾರತದ ಧ್ವಜದ ಚಿತ್ರವಿರುವ ನಾಯಿಯೊಂದನ್ನು ಅಟ್ಟಾಡಿಸಿಕೊಂಡು ಹೋಗುವ ಫೋಟೋ ಪ್ರಕಟಿಸಿ ಭಾರತೀಯರ ಭಾವನೆ ಕೆರಳಿಸಿದ್ದಾರೆ.

ಅಂದ ಹಾಗೆ ಬಾಂಗ್ಲಾ ಅಭಿಮಾನಿಗಳ ಈ ರೀತಿಯ ವರ್ತನೆ ಇದೇ ಮೊದಲೇನಲ್ಲ. ಹಿಂದೊಮ್ಮೆ ಭಾರತೀಯರ ಕ್ರಿಕೆಟಿಗರು ಅರ್ಧ ತಲೆ ಬೋಳಿಸಿ, ಮೇಲೆ ಬೌಲರ್ ಮುಸ್ತಾಫಿರ್ ರೆಹಮಾನ್ ಕತ್ತಿ ಹಿಡಿದು ನಿಂತಿರುವವ ಫೋಟೋ ಹಾಕಿ ವಿವಾದ ಸೃಷ್ಟಿಸಿದ್ದರು. ಇದೀಗ ಮತ್ತೊಮ್ಮೆ ಅಂತಹದ್ದೇ ಕೊಳಕು ಪ್ರವೃತ್ತಿ ತೋರಿದ್ದಾರೆ.

http://kannada.fantasycricket.webdunia.com
ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ