ಅಜರ್ ಮಹಮೂದ್ ಪಾಕ್ ಬೌಲಿಂಗ್ ಕೋಚ್

ಕರಾಚಿ: ಪಾಕಿಸ್ತಾನ ತಂಡಕ್ಕೆ ನೂತನ ಬೌಲಿಂಗ್ ಕೋಚ್ ಆಗಿ ಎರಡು ವರ್ಷಗಳ ಅವಧಿಗೆ ಅಜರ್ ಮಹಮೂದ್ ಅವರನ್ನು ಪಿಸಿಬಿ ನೇಮಿಸಿದೆ.

ಪ್ರಸಕ್ತ ಬ್ರಿಟನ್ ನಲ್ಲಿರುವ ಮಾಜಿ ಆಟಗಾರ ಅಜರ್ ಜತೆ ಮಾತುಕತೆ ನಡೆಸಿದ ಪಿಸಿಬಿ ಎರಡು ವರ್ಷದ ಒಪ್ಪಂದ ಮಾಡಿಕೊಂಡಿದೆ. ಅಜರ್ ಇದಕ್ಕೂ ಮೊದಲು ಭಾರತ ವಿರುದ್ಧದ ಟಿ-ಟ್ವೆಂಟಿ ಪಂದ್ಯ ಮತ್ತು ಇಂಗ್ಲೆಂಡ್ ಸರಣಿಯಲ್ಲಿ ಕಿರು ಅವಧಿಗೆ ಬೌಲಿಂಗ್ ಸಲಹೆಗಾರನಾಗಿ ಕೆಲಸ ಮಾಡಿದ್ದರು.

ಕೋಚ್ ಅಥವಾ ಇನ್ನಿತರ ಸಹಾಯಕರ ವಿಭಾಗದಲ್ಲಿ ಪಾಕಿಸ್ತಾನ ಮೂಲದವರು ಯಾರೂ ಇಲ್ಲದ ಕಾರಣ ಪಿಸಿಬಿ ತನ್ನ ದೇಶದ ಮಾಜಿ ಆಟಗಾರನೊಬ್ಬನನ್ನು ಈ ಕೆಲಸಕ್ಕೆ ನಿಯೋಜಿಸಿದೆ. ಪಾಕಿಸ್ತಾನ ತಂಡಕ್ಕೆ ಮುಖ್ಯ ಕೋಚ್ ಆಗಿ ದಕ್ಷಿಣ ಆಫ್ರಿಕಾದ ಮಿಕಿ ಆರ್ಥರ್ ಕರ್ತವ್ಯ ನಿರ್ವಹಿಸುತ್ತಿದ್ದಾರೆ.

ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ