ಆರ್ ಸಿಬಿಗೆ ಚಿಯರ್ ಅಪ್ ಮಾಡಲು ವಿರಾಟ್ ಕೊಹ್ಲಿ ಜೊತೆ ಬೆಂಗಳೂರಿಗೆ ಬಂದ ಅನುಷ್ಕಾ ಶರ್ಮಾ

ಬೆಂಗಳೂರು: ಗುಜರಾತ್ ಟೈಟನ್ಸ್ ವಿರುದ್ಧ ನಾಳೆ ನಡೆಯಲಿರುವ ಐಪಿಎಲ್ ಪಂದ್ಯಕ್ಕಾಗಿ ಆರ್ ಸಿಬಿ ಸ್ಟಾರ್ ಕ್ರಿಕೆಟಿಗ ವಿರಾಟ್ ಕೊಹ್ಲಿ ತಮ್ಮ ಪತ್ನಿ ಅನುಷ್ಕಾ ಶರ್ಮಾ ಜೊತೆಗೆ ಬೆಂಗಳೂರಿಗೆ ಬಂದಿದ್ದಾರೆ.

ಪುತ್ರ ಅಕಾಯ್ ಜನಿಸಿದ ಮೇಲೆ ಅನುಷ್ಕಾ ಶರ್ಮಾ ಹೊರಗೆಲ್ಲೂ ಕಾಣಿಸಿಕೊಂಡಿಲ್ಲ. ಲಂಡನ್ ನಲ್ಲಿಯೇ ಅವರ ಹೆರಿಗೆಯಾಗಿತ್ತು. ಅದಾದ ಬಳಿಕ ತೀರಾ ಇತ್ತೀಚೆಗಷ್ಟೇ ಅವರು ಭಾರತಕ್ಕೆ ಮರಳಿದ್ದರು. ಪ್ರತೀ ಬಾರಿ ಐಪಿಎಲ್ ಪಂದ್ಯಗಳ ವೇಳೆ ಅನುಷ್ಕಾ ಶರ್ಮಾ ಹಾಜರಿರುತ್ತಿದ್ದರು. ಆದರೆ ಈಗ ಎರಡನೇ ಮಗುವಿನ ಆಗಮನ ಹಿನ್ನಲೆಯಲ್ಲಿ ಅನುಷ್ಕಾ ಸಾರ್ವಜನಿಕವಾಗಿ ಕಾಣಿಸಿಕೊಂಡಿರಲಿಲ್ಲ.

ಇದೀಗ ಕೊಹ್ಲಿ ಜೊತೆಗೆ ಇದೇ ಮೊದಲ ಬಾರಿ ಈ  ಐಪಿಎಲ್ ಕೂಟದ ಮೊದಲ ಪಂದ್ಯ ವೀಕ್ಷಿಸಲು ಬೆಂಗಳೂರಿಗೆ ಬಂದಿದ್ದಾರೆ. ಆರ್ ಸಿಬಿ ಪಂದ್ಯದ ವೇಳೆ ಅನುಷ್ಕಾ ಪ್ರಮುಖ ಆಕರ್ಷಣೆಯಾಗಿರುತ್ತಿದ್ದರು. ಆದರೆ ಇದುವರೆಗೆ ಅಭಿಮಾನಿಗಳು ಅನುಷ್ಕಾರನ್ನು ಮಿಸ್ ಮಾಡಿಕೊಳ್ಳುತ್ತಿದ್ದರು. ಈಗ ಅನುಷ್ಕಾ ಬೆಂಗಳೂರಿಗೆ ಕೊಹ್ಲಿ ಜೊತೆ ಆಗಮಿಸಿರುವ ವಿಡಿಯೋ ಸೋಷಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದೆ.

ಹೀಗಾಗಿ ನಾಳೆ ಗುಜರಾತ್ ಟೈಟನ್ಸ್ ವಿರುದ್ಧ ನಡೆಯಲಿರುವ ಆರ್ ಸಿಬಿ ಪಂದ್ಯದ ವೇಳೆ ಚಿನ್ನಸ್ವಾಮಿ ಮೈದಾನದಲ್ಲಿ ಅನುಷ್ಕಾ ಇರುವುದು ಬಹುತೇಕ ಖಚಿತವಾಗಿದೆ. ಕೊಹ್ಲಿ ಪಾಲಿಗೆ ಅನುಷ್ಕಾ ಲೇಡಿ ಲಕ್. ಹೀಗಾಗಿ ಈ ಪಂದ್ಯದಲ್ಲಿ ಕೊಹ್ಲಿ ಸಿಡಿಯಬಹುದೇ ಎಂಬುದು ಅಭಿಮಾನಿಗಳ ನಿರೀಕ್ಷೆ.