ಅನಿಲ್ ಕುಂಬ್ಳೆ ಸ್ಥಾನಕ್ಕೆ ರಾಹುಲ್ ದ್ರಾವಿಡ್

ಪ್ರಸ್ತುತ ನಡೆಯುತ್ತಿರುವ ಆಸ್ಟ್ರೇಲಿಯಾ ವಿರುದ್ಧದ ಟೆಸ್ಟ್ ಸರಣಿ ಮುಗಿದ ಬಳಿಕ ಟೀಮ್ ಇಂಡಿಯಾ ಹೆಡ್ ಕೋಚ್ ಅನಿಲ್ ಕುಂಬ್ಳೆ ಅವರನ್ನ ನಿರ್ದೇಶಕರ ಸ್ಥಾನಕ್ಕೆ ನೇಮಿಸಲು ಸುಪ್ರೀಂಕೋರ್ಟ್`ನಿಂದ ನೇಮಕಗೊಂಡಿರುವ ಆಡಳಿತಗಾರರ ಸಮಿತಿ ನಿರ್ಧರಿಸಿದೆ. ಹೆಡ್ ಕೋಚ್ ಸ್ತಾನಕ್ಕೆ ರಾಹುಲ್ ದ್ರಾವಿಡ್ ಅವರನ್ನ ಕರೆತರುವ ಇರಾದೆಯನ್ನ ಸಮಿತಿ ಹೊಂದಿದೆ ಎಂದು ಮಾಧ್ಯಮಗಳು ವರದಿ ಮಾಡಿವೆ.

ರವಿಶಾಸ್ತ್ರೀ ನಿರ್ಗಮನದ ಬಳಿಕ ಖಾಲಿ ಇರುವ ಟೀಮ್ ಡೈರೆಕ್ಟರ್ ಹುದ್ದೇಗೇರುವಂತೆ ಈಗಾಗಲೆ ಅನಿಲ್ ಕುಂಬ್ಳೆ ಮುಂದೆ ಸಮಿತಿ ಪ್ರಸ್ತಾವನೆ ಇಟ್ಟಿದೆ. 2ನೇ ಟೆಸ್ಟ್ ಮುಗಿದ ಬಳಿಕ ಅನಿಲ್ ಕುಂಬ್ಳೆ ಸಹ ಆಡಳಿತಗಾರರ ಸಮಿತಿ ಸದಸ್ಯರನ್ನ ಭೇಟಿಯಾಗಿದ್ದಾರೆ ಎಂದು ತಿಳಿದುಬಂದಿದೆ. ಆಫರ್ ಬಗ್ಗೆ ಏಪ್ರಿಲ್ 14ರ ಒಳಗೆ ತಿಳಿಸುವಂತೆಯೂ ಮಂಡಳಿ ಸೂಚಿಸಿದೆ ಎನ್ನಲಾಗಿದೆ.

ಆದರೆ, ಈ ವರದಿಗಳನ್ನ ಸಮಿತಿ ಸದಸ್ಯರಾಗಿರುವ ಡಯಾನಾ ಎಡುಲ್ಜಿ ತಿಳಿಸಿದ್ದಾರೆ.