ನಾವು ಮತ್ತೆ ಒಂದಾಗೊದಿಲ್ಲ ಸುಳ್ಳು ಸುದ್ದಿ ಹಬ್ಬಿಸಬೇಡಿ- ಸುಸೈನ್

ಮೊನ್ನೆಯಷ್ಟೇ ಕಂಗನಾ ಹಾಗೂ ಹೃತಿಕ್ ರೋಷನ್ ಅವರ ಖಾಸಗಿ ಫೋಟೋ ಒಂದು ಬಹಿರಂಗವಾಗಿತ್ತು. ಫೋಟೋ ಭಾರೀ ಚರ್ಚೆಗೆ ಗ್ರಾಸವಾಗುತ್ತಿದ್ದಂತೆ ಹೃತಿಕ್ ರೋಷನ್ ಮಾಜಿ ಪತ್ನಿ ಸುಸೈನ್ ಈ ಫೋಟೋ  ಸುಳ್ಳು. ಫೋಟೋ ಶಾಪ್ ಮಾಡಿ ಈ ಫೋಟೋವನ್ನು ಕ್ರಿಯೇಟ್ ಮಾಡಲಾಗಿದೆ ಅಂತಾ ಕಟುವಾಗಿ ಪ್ರತಿಕ್ರಿಯಿಸಿದ್ದರು. 

ಇದೀಗ ತಮ್ಮ ಸಂಬಂಧದ ಬಗ್ಗೆ ಸುಸೈನ್ ಮಾತನಾಡಿದ್ದಾರೆ.ಸುಸೈನ್ ಹೃತಿಕ್ ರೋಷನ್ ಅವರ ಪರ ಬ್ಯಾಟಿಂಗ್ ಮಾಡಿದ್ದೇ ತಡ ಸುಸೈನ್ ಹಾಗೂ ಹೃತಿಕ್ ರೋಷನ್ ಅವು ಮತ್ತೆ ಒಂದಾಗುತ್ತಾರೆ ಅನ್ನೋ ಮಾತುಗಳು ಬಾಲಿವುಡ್ ನಲ್ಲಿ ಕೇಳಿ ಬಂದಿತ್ತು.

 ಇದು ಸುಸೈನ್ ಅವರಿಗೆ ತುಂಬಾನೇ ಕಿರಿಕಿರಿ ಉಂಟು ಮಾಡಿದೆ.ಹಾಗಾಗಿ ಸ್ವತಃ ಅವರೇ ಟ್ವಿಟರ್ ನಲ್ಲಿ ಈ ಬಗ್ಗೆ ಪ್ರತಿಕ್ರಿಯೆ ನೀಡಿದ್ದಾರೆ.ನಾನು ಜನರಲ್ಲಿ ಮನವಿ ಮಾಡಿಕೊಳ್ಳುತ್ತಿದ್ದೇನೆ. ಯಾರೂ ಕೂಡ ನನ್ನ ಹಾಗೂ ಹೃತಿಕ್ ರೋಷನ್ ಸಂಬಂಧದ ಬಗ್ಗೆ ಸುಮ್ಮನೆ ಮಾತನಾಡ ಬೇಡಿ. ನಾವಿಬ್ಬರು ಮತ್ತೆ ಒಂದಾಗುತ್ತೇವೆ. ಜೊತೆಯಾಗಿ ಬದುಕುತ್ತೇವೆ ಅನ್ನೋದು ಸುಳ್ಳು.ಆದ್ರೆ ನಾವಿಬ್ಬರು ಯಾವತ್ತಿಗೂ ಉತ್ತಮ ಗೆಳೆಯರು ಅಂತಾ ಹೇಳಿದ್ದಾರೆ.

ಇನ್ನು ಪರಸ್ಪರ ದೂರವಾದ ಬಳಿಕ ಮೊನ್ನೆಯಷ್ಟೇ ಹೃತಿಕ್ ಹಾಗೂ ಸುಸೈನ್ ರೆಸ್ಟೋರೆಂಟ್ ಒಂದರಲ್ಲಿ ಜೊತೆಯಾಗಿ ಕಾಣಿಸಿಕೊಂಡಿದ್ದರು. ಹಾಗಾಗಿ ಬಾಲಿವುಡ್ ನಲ್ಲಿ ಇವರಿಬ್ಬರು ಮತ್ತೆ ಒಂದಾಗುತ್ತಿದ್ದಾರೆ ಅನ್ನೋ ಸುದ್ದಿಗಳು ಹರಿದಾಡುತ್ತಿದ್ದವು.ಆದ್ರೆ ಅದಕ್ಕೀಗ ಸುಸೈನ್ ಅವರೇ ತೆರೆ ಎಳೆದಿರೋದರಿಂದ ಈ ಎಲ್ಲವೂ ಕ್ಲಿಯರ್ ಆಗಿದೆ.

ತಾಜಾ ಸುದ್ದಿಗಳನ್ನು ಓದಲು ಮೊಬೈಲ್ ಆ್ಯಪ್‌ನ್ನು ಡೌನ್‌ಲೋಡ್ ಮಾಡಿಕೊಳ್ಳಿ