ಮತ್ತೊಬ್ಬ ಖಳನಾಯಕನನ್ನು ಪಡೆದ ಹ್ಯಾಟ್ರಿಕ್ ಹಿರೋ ಶಿವರಾಜಕುಮಾರ್

ಶಿವರಾಜಕುಮಾರ್ ಮುಂಬರುವ  'ಟಗರು' ಚಿತ್ರದಲ್ಲಿ ಅಭಿನಯಿಸುತ್ತಿದ್ದಾರೆ. ಹ್ಯಾಟ್ರಿಕ್ ಹಿರೋ ಶಿವಣ್ಣ ಜತೆಗೆ ಕೆಂಡಸಂಪಿಗೆ ನಟಿ ಮಾನ್ವಿತಾ ಹರೀಶ್ ಫಿಮೇಲ್ ಲೀಡ್ ರೋಲ್‌ನಲ್ಲಿ ಕಾಣಿಸಿಕೊಳ್ಳಲಿದ್ದಾರೆ ಎಂಬುದು ಈಗಾಗಲೇ ಖಚಿತವಾಗಿದೆ. ಇನ್ನೂ ನಟರ ಜತೆ ಮತ್ತೊಬ್ಬ ನಟ ಸೇರ್ಪಡೆಯಾಗುತ್ತಿದ್ದಾರೆ. 

ಧನಂಜಯ್ ಎನ್ನುವ ನಟ ಮೊದಲ ಬಾರಿಗೆ 'ಟಗರು' ಚಿತ್ರದಲ್ಲಿ ಖಳನಾಯಕರಾಗಿ ತೆರೆ ಮೇಲೆ ಮಿಂಚಲಿದ್ದಾರೆ.  ಮೊದಲ ಬಾರಿಗೆ ಸೂರಿ ಜತೆಗೆ ಚಿತ್ರದಲ್ಲಿ ವಿಲನ್ ಆಗಿ ಕೆಲಸ ಮಾಡಲಿದ್ದಾರೆ ಧನಂಜಯ್. 

ಧನಂಜಯ್ ಅವರು ಥಿಯೇಟರ್‌ನಿಂದ ಬಂದ ಕಲಾವಿದರೊಬ್ಬರನ್ನು ನೋಡಿ ಪ್ರಭಾವಿತರಾಗಿದ್ದಾರಂತೆ. ಇನ್ನೂ ಹೆಚ್ಚಾಗಿ ಇಂಟರ್‌ಸ್ಟಿಂಗ್ ಎಂದರೆ ಶಿವಣ್ಣ ಹಾಗೂ ಧನಂಜಯ್ ಅವರ ಕಾಂಬಿನೇಷನ್ ಈ ಚಿತ್ರದಲ್ಲಿ ನೋಡಲು ಅಭಿಮಾನಿಗಳಿಗೆ ಅವಕಾಶ ಸಿಗಲಿದೆ. 

ತೆರೆಯ ಮೇಲೆ ನೇರವಾಗಿ ನೋಡಲಿ ಎಂದು ಪಾತ್ರದ ಕುರಿತು, ಹಾಗೂ ಪಾತ್ರದ ಗೆಟಪ್ ಬಗ್ಗೆಯಾಗಲಿ ಯಾವೊಂದು ವಿಷಯವನ್ನು ಹೇಳುವುದಕ್ಕೆ ನಿರಾಕರಿಸಿದ್ದಾರೆ. ಈ ಚಿತ್ರವನ್ನು ಕೆಂಪಿ ಶ್ರಿಕಾಂತ್ ನಿರ್ಮಿಸುತ್ತಿದ್ದಾರೆ. ಇನ್ನೂ ಸೂರಿಯೇ ಚಿತ್ರದ ಕಥೆ, ಚಿತ್ರಕಥೆ ಮತ್ತು ಸಂಭಾಷಣೆಯನ್ನು ರಚಿಸುವುದರ ಜತೆಗೆ ನಿರ್ದೇಶನ ಮಾಡುತ್ತಿದ್ದಾರೆ. 

ತಾಜಾ ಸುದ್ದಿಗಳನ್ನು ಓದಲು ಮೊಬೈಲ್ ಆಪ್ ಡೌನ್‍ಲೋಡ್ ಮಾಡಿಕೊಳ್ಳಿ