ಒಂದು ವರ್ಷದಿಂದ ಮಹಾಭಾರತ ಓದುತ್ತಿದ್ದಾರಂತೆ ಶಾರುಖ್ ಖಾನ್!

ಮುಂಬೈ: ಬಾಲಿವುಡ್ ಬಾದ್ ಶಹಾ ಶಾರುಖ್ ಖಾನ್ ಕಳೆದ ಒಂದೂವರೆ ವರ್ಷದಿಂದ ಮಹಾಭಾರತ ಓದುತ್ತಿದ್ದಾರಂತೆ! ಹಿಂದೂಗಳ ಈ ಪುರಾಣ ಕತೆಯೆಂದರೆ ಶಾರುಖ್ ಗೆ ಅಚ್ಚುಮೆಚ್ಚಂತೆ.

ಅವಕಾಶ ಕೂಡಿ ಬಂದರೆ ಮಹಾಭಾರತದ ಯಾವುದಾದರೂ ಕತೆಯೊಂದನ್ನು ಆಧಾರವಾಗಿಟ್ಟುಕೊಂಡು ಸಿನಿಮಾ ಮಾಡಬೇಕು ಎನ್ನುವ ಇರಾದೆಯೂ ಅವರಿಗಿದೆಯಂತೆ. ಅದಲ್ಲದೆ ಅವರಿಗೆ ಇದರಲ್ಲಿ ಬರುವ ಕತೆಗಳೆಂದರೆ ಪಂಚ ಪ್ರಾಣವಂತೆ ಅದೇ ಕಾರಣಕ್ಕೆ ಸೀರಿಯಸ್ ಆಗಿ ಕೂತುಕೊಂಡು ಮಹಾಭಾರತ ಓದುತ್ತಿದ್ದೇನೆ ಎಂದಿದ್ದಾರೆ ಶಾರುಖ್.

ಅಷ್ಟೇ ಅಲ್ಲದೆ, ತಮ್ಮ ಪುಟಾಣಿ ಪುತ್ರ ಅಬ್ ರಾಂಗೂ ಮಹಾಭಾರತ ಕತೆಗಳನ್ನು ಬಹಳ ಇಂಟರೆಸ್ಟಿಂಗ್ ಆಗಿ ಹೇಳುತ್ತಾರಂತೆ ಶಾರುಖ್. ಅದರಂತೇ ಇಸ್ಲಾಂ ಧರ್ಮದಲ್ಲಿರುವ ಕತೆಗಳನ್ನೂ ಮಗನಿಗೆ ಹೇಳುತ್ತೇನೆ. ಎಲ್ಲಾ ಧರ್ಮಗಳನ್ನು ಸಮಾನವಾಗಿ ಪ್ರೀತಿಸಬೇಕು ಎನ್ನುವುದೇ ನನ್ನ ತತ್ವ ಎಂದು ಶಾರುಖ್ ಮುಂಬೈನಲ್ಲಿ ನಡೆದ ಈದ್ ಕಾರ್ಯಕ್ರಮವೊಂದರಲ್ಲಿ ಹೇಳಿಕೊಂಡಿದ್ದಾರೆ.

ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ