ಶಾರೂಖ್ ಖಾನ್,ಆಲಿಯಾ ಅಭಿನಯದ 'ಡಿಯರ್ ಜಿಂದಗಿ' ರಿಲೀಸ್‌ಗೆ ಡೇಟ್ ಫಿಕ್ಸ್

ಕಿಂಗ್ ಖಾನ್ ಶಾರೂಖ್ ಖಾನ್ ಹಾಗೂ ಆಲಿಯಾ ಅಭಿನಯದ 'ಡಿಯರ್ ಜಿಂದಗಿ 'ಚಿತ್ರ ರಿಲೀಸ್‌ಗೆ ಡೇಟ್ ಫಿಕ್ಸ್ ಆಗಿದೆ. ಶಾರೂಖ್ ಖಾನ್ ಜತೆಗೆ ಆಲಿಯಾಳ ಕಾಂಬಿನೇಷನ್ ಪ್ರೇಕ್ಷಕರಲ್ಲಿ ಕುತೂಹಲ ಮೂಡಿಸಿದೆ. ಇಬ್ಬರ ಕೆಮೆಸ್ಟ್ರಿ ಚಿತ್ರದಲ್ಲಿ ಯಾವ ರೀತಿ ಇರಬಹುದು ಎಂದು ಅಭಿಮಾನಿಗಳು ಕಾತುರರಾಗಿದ್ದಾರೆ. ಈ ಬಗ್ಗೆ ಚಿತ್ರತಂಡ ಬಿಡುಗಡೆಯ ದಿನಾಂಕವನ್ನು ಟ್ವಿಟರ್‌ನಲ್ಲಿ ಘೋಷಣೆ ಮಾಡಿದೆ. 

 ಮುಖ್ಯಪಾತ್ರದಲ್ಲಿ ಶಾರೂಖ್ ಖಾನ್ ಹಾಗೂ ಆಲಿಯಾ ಕಾಣಿಸಿಕೊಳ್ಳುತ್ತಿದ್ದಾರೆ. ನವೆಂಬರ್ 25ಕ್ಕೆ 'ಡಿಯರ್ ಜಿಂದಗಿ '' ಚಿತ್ರ ರಿಲೀಸ್ ಕಾಣಲಿದೆ. ಇನ್ನೂ ಕರಣ್ ಜೋಹರ್ ಚಿತ್ರದ ನಿರ್ಮಾಣಕ್ಕಾಗಿ ಕೈ ಜೋಡಿಸಿದ್ದಾರೆ. ಚಿತ್ರದ ಫಸ್ಟ್ ಲುಕ್ ಕೂಡ ಬಿಡುಗಡೆಯಾಗಿದೆ. 

ವಿಶೇಷವೆಂದರೆ ಆಲಿಯಾ ಮೊದಲ ಬಾರಿಗೆ ಶಾರೂಖ್ ಜತೆಗೆ ಸ್ಕ್ರೀನ್ ಶೇರ್ ಮಾಡುತ್ತಿರುವುದು. ಈ ಚಿತ್ರದಲ್ಲಿ ಶಾರೂಖ್ ಜತೆಗಿನ ಆಲಿಯಾಳ ಕೆಮೆಸ್ಟ್ರಿ ನೋಡಲು ಅಭಿಮಾನಿಗಳು ಕಾತುರರಾಗಿದ್ದಾರೆ. 

2016ರಲ್ಲಿ ಶಾರೂಖ್ ಖಾನ್ ಅಭಿನಯದ 'ರಾಯಿಸ್' ಸಿನಿಮಾ ಸಾಕಷ್ಟು ನಿರೀಕ್ಷೆ ಮೂಡಿಸಿದೆ.. ಈ ಸಿನಿಮಾದ ಬಗ್ಗೆ ಹಲವರು ಮಾತಾಡಿಕೊಳ್ಳುತ್ತಿದ್ದಾರೆ. ಇತ್ತೀಚೆಗೆ ಅಷ್ಟೇ ರಾಯಿಸ್ - ಕಾಬಿಲ್ ಒಂದೇ ದಿನ ಕ್ಲ್ಯಾಶ್ ಆಗದಂತೆ ಶಾರೂಖ್ ಖಾನ್ ಹೃತಿಕ್ ರೋಷನ್ ನಿವಾಸಕ್ಕೆ ಮಧ್ಯರಾತ್ರಿ ಭೇಟಿ ಮಾಡಿ ಮಾತುಕತೆ ನಡೆಸಿದ್ದರು. 

ಶಾರೂಖ್ ರಾಯಿಸ್ ಚಿತ್ರದ ಬಗ್ಗೆ ಸಾಕಷ್ಟು ನಿರೀಕ್ಷೆ ಇಟ್ಟುಕೊಂಡಿದ್ದಾರೆ. ಕಾಬಿಲ್ ಚಿತ್ರದ ದಿನಾಂಕವನ್ನು ಮುಂದುಡುವಂತೆ ರಾಕೇಶ್ ರೋಷನ್‌ಗೆ ಶಾರೂಖ್ ಕೋರಿದ್ದರು. 

ತಾಜಾ ಸುದ್ದಿಗಳನ್ನು ಓದಲು ಮೊಬೈಲ್ ಆಪ್ ಡೌನ್‍ಲೋಡ್ ಮಾಡಿಕೊಳ್ಳಿ