ವಿಶ್ವಕಪ್ ಸೆಮಿಫೈನಲ್ನಲ್ಲಿ ಭಾರತ ತಂಡ ಸೋತ ನಂತರ ಕ್ರಿಕೆಟ್ ಪ್ರೇಮಿಗಳು ಉಪನಾಯಕ, ಸ್ಟಾರ್ ಬ್ಯಾಟ್ಸಮನ್ ಕೊಹ್ಲಿ ಮೇಲೆ ಅತೀವ ಕೋಪ ಪ್ರದರ್ಶಿಸುತ್ತಿದ್ದಾರೆ. ಅಂದು ಕೊಹ್ಲಿ ಕೇವಲ 1 ರನ್ನಿಂದ ಔಟ್ ಆಗಿದ್ದು ಸೋಲಿಗೆ ಅವರೇ ಕಾರಣ ಎಂಬಂತೆ ಅಭಿಮಾನಿಗಳು ಆಕ್ರೋಶ ವ್ಯಕ್ತ ಪಡಿಸುತ್ತಿದ್ದಾರೆ.
ಕೊಹ್ಲಿಯ ನಿರಾಶಾದಾಯಕ ಪ್ರದರ್ಶನಕ್ಕೆ ಅವರ ಪ್ರೇಯಸಿ ಅನುಷ್ಕಾರವರೇ ಕಾರಣ ಎಂದು ಸಹ ಅಭಿಮಾನಿಗಳು ನೇರವಾಗಿ ಆರೋಪಿಸುತ್ತಿದ್ದಾರೆ. ಅವರಿಬ್ಬರ ವಿರುದ್ಧ ಸಾಮಾಜಿಕ ಜಾಲತಾಣಗಳಲ್ಲಿ ವ್ಯಾಪಕ ಪೋಸ್ಟಿಂಗ್ಗಳು, ಕಮೆಂಟ್ಗಳು ಹರಿದು ಬರುತ್ತಿವೆ.
ಭಾರತ ತಂಡದ ಸೋಲಿಗೆ ಅನುಷ್ಕಾರನನ್ನು ಹೊಣೆಗಾರಳನ್ನಾಗಿಸುತ್ತಿರುವುದಕ್ಕೆ ಖಂಡನೆ ವ್ಯಕ್ತ ಪಡಿಸಿದ ಬಾಲಿವುಡ್ ಟ್ವಿಟರ್ ಮೂಲಕ ನಟಿಮಣಿಯ ಬೆಂಬಲಕ್ಕೆ ನಿಂತಿದೆ.
ಅಂತೆಯೇ ಬಾಲಿವುಡ್ ಸೂಪರ್ ಸ್ಟಾರ್ ಸಲ್ಲು ಸಹ ವಿರಾಟ್ ಕೊಹ್ಲಿಗೆ ಫೋನ್ ಕರೆ ಮಾಡಿ ಅವರ ಮನೋಬಲವನ್ನು ಹೆಚ್ಚಿಸುವ ಮಾತುಗಳನ್ನಾಡಿದ್ದಾರೆ.
ಅಷ್ಟೇ ಅಲ್ಲದೆ ಸಾಮಾಜಿಕ ಜಾಲತಾಣಗಳಲ್ಲಿ ಅನುಷ್ಕಾ ಮತ್ತು ಕೊಹ್ಲಿ ಬಗ್ಗೆ ಪ್ರಕಟವಾಗುತ್ತಿರುವ ಟೀಕೆಗಳ ಕುರಿತು ಗಮನ ಹರಿಸದಂತೆ ಕಿವಿಮಾತು ಹೇಳಿದ್ದಾರೆ.