ಭರವಸೆ ಮೂಡಿಸುತ್ತಿರುವ ಸೈಫ್ ಅಲಿ ಖಾನ್ ಅವರ ಬಾಜಾರ್ ಟ್ರೈಲರ್...

ಹಲವು ಪ್ರಾಯೋಗಿಕ ಚಿತ್ರಗಳಲ್ಲಿ ಅಭಿನಯಿಸಿ ಸೈ ಅನ್ನಿಸಿಕೊಂಡಿರುವ ಸೈಫ್ ಅಲಿ ಖಾನ್ ಈಗ ಇನ್ನೊಂದು ಪ್ರಾಜೆಕ್ಟ್‌ನೊಂದಿಗೆ ಬರುತ್ತಿದ್ದಾರೆ. ಈ ಚಿತ್ರವನ್ನು ಬಾಜಾರ್ ಎಂದು ಹೆಸರಿಸಲಾಗಿದೆ. ಈ ಚಿತ್ರದ ಟ್ರೈಲರ್ ಬಿಡುಗಡೆಯಾಗಿದ್ದು ಚಿತ್ರದ ಕುರಿತು ಕುತೂಹಲಭರಿತ ಆಸಕ್ತಿಯನ್ನು ಮೂಡಿಸುವಂತಿದೆ.

ಈ ಚಿತ್ರದಲ್ಲಿ ಶಕುನ್ ಕೊಥಾರಿ ಎನ್ನುವ ಹೆಸರಿನ ಪ್ರಖ್ಯಾತ ಬ್ಯುಸಿನೆಸ್ ಟೈಕೂನ್ ಪಾತ್ರದಲ್ಲಿ ಸೈಫ್ ಕಾಣಿಸಿಕೊಂಡಿದ್ದಾರೆ. ಇವರ ಆಫೀಸಿನಲ್ಲಿರುವ ರಿಜ್ವಾನ್ ಅಹಮದ್ ಪಾತ್ರದಲ್ಲಿರುವ ರೋಹನ್ ಮೆಹ್ರಾ ಶಕುನ್ ಮೆಚ್ಚುಗೆಯನ್ನು ಗಳಿಸಿ ತ್ವರಿತವಾಗಿ ಉತ್ತಮ ಹುದ್ದೆಯನ್ನು ಅಲಂಕರಿಸುತ್ತಾರೆ. 

ಈ ಚಿತ್ರದಲ್ಲಿ ರಾಧಿಕಾ ಆಪ್ಟೆ ಸಹ ಅದೇ ಆಫೀಸ್‌ನಲ್ಲಿ ಉದ್ಯೋಗಿಯಾಗಿ ಕಾಣಿಸಿಕೊಂಡಿದ್ದು ಕಥೆಗೆ ಹೊಸ ಎಳೆಯನ್ನು ಸೇರಿಸುತ್ತಾರೆ. ಈ ಟ್ರೇಲರ್‌ನಲ್ಲಿ ಯಾವುದೇ ಫೈಟ್ ದೃಶ್ಯಗಳು ಕಂಡುಬರದೇ ಇರುವುದರಿಂದ ಮೈಂಡ್ ಗೇಮ್ ಪ್ರಮುಖವಾಗಿರುವುದು ಖಾತ್ರಿಯಾಗುತ್ತದೆ ಮತ್ತು ಸೈಫ್ ಪಾತ್ರವೇ ಪ್ರಮುಖವಾಗಿದ್ದು ಕಥೆ ಅವರ ಸುತ್ತಲೇ ಸುತ್ತುತ್ತದೆ. ಒಟ್ಟಾರೆಯಾಗಿ ಇದೊಂದು ಉತ್ತಮ ಟ್ರೇಲರ್ ಆಗಿದ್ದು ನಿಮ್ಮ ಗಮನವನ್ನು ಸೆಳೆಯುವಲ್ಲಿ ಗೆಲ್ಲುತ್ತದೆ.