ನನ್ನ ಯಶಸ್ಸಿಗೆ ಸುದೀಪ್- ಕನ್ನಡದ ಅಭಿಮಾನಿಗಳೇ ಕಾರಣ: ರವಿಶಂಕರ್

ಕನ್ನಡದಲ್ಲಿ ತಮ್ಮ ಮೊದಲ ಸಿನಿಮಾದ ಮೂಲಕ ತಾನು ಮುಂದೊಂದು ದಿನ ಕನ್ನಡದಲ್ಲಿ ಬಹು ಬೇಡಿಕೆಯ ನಟ ಆಗ್ತೀನಿ ಅಂತಾ ತೋರಿಸಿಕೊಟ್ಟವರು ನಟ ರವಿಶಂಕರ್. ಕಿಚ್ಚ ಅಭಿನಯದ ಕೆಂಪೇಗೌಡ ಸಿನಿಮಾದ ಅವರ ಪಾತ್ರವನ್ನು ಯಾರು ಕೂಡ ಮರೆಯೋದಕ್ಕೆ ಸಾಧ್ಯನೇ ಇಲ್ಲ. ಆ ಬಳಿಕ ಅನೇಕ ಕನ್ನಡ ಸಿನಿಮಾಗಳಲ್ಲಿ ಅವರಿಗೆ ಅವಕಾಶಗಳು ಅರಸಿಕೊಂಡು ಬಂದವು. ಇದೀಗ ರವಿಶಂಕರ್ ಕೋಟಿಗೊಬ್ಬ-2 ನಲ್ಲೂ ಕಮಾಲ್ ಮಾಡಿದ್ದಾರೆ.

ಕೋಟಿಗೊಬ್ಬ-2 ಸಿನಿಮಾವನ್ನು ನೋಡಿದ ಅಭಿಮಾನಿಗಳು ಸುದೀಪ್ ಅವರ ಅಭಿನಯವನ್ನು ಎಷ್ಟರಮಟ್ಟಿಗೆ ಹೊಗಳುತ್ತಿದ್ದಾರೋ ಅಷ್ಟರ ಮಟ್ಟಿಗೆ ರವಿಶಂಕರ್ ಅವರ ಅಭಿನಯಕ್ಕೂ ಶಹಬ್ಬಾಸ್ ಗಿರಿ ಸಿಗುತ್ತಿದೆ. ಕೋಟಿಗೊಬ್ಬ-2 ಸಿನಿಮಾದಲ್ಲಿ ರವಿಶಂಕರ್ ಅವರು ಉತ್ತಮವಾಗಿ ಅಭಿನಯಿಸಿದ್ದಾರೆ ಅನ್ನೋ ಮಾತುಗಳು ಸಾಮಾನ್ಯವಾಗಿ ಬಿಟ್ಟಿದೆ.

ಇದು ರವಿ ಕಿವಿಗೂ ಬಿದ್ದಿದೆ.ಅದನ್ನು ಕೇಳಿಸಿಕೊಂಡಿರುವ ಅವರು ಅದಕ್ಕಾಗಿ ನಟ ಸುದೀಪ್ ಹಾಗೂ ಕನ್ನಡ ಅಭಿಮಾನಿಗಳಿಗೆ ಧನ್ಯವಾದ ಅರ್ಪಿಸಿದ್ದಾರೆ. ನನ್ನ ಎಲ್ಲಾ ಯಶಸ್ಸಿಗೆ ಕಾರಣ ಸುದೀಪ್ ಅಂದಿದ್ದಾರೆ.

ನನಗೆ ಕೋಟಿಗೊಬ್ಬ-2 ಸಿನಿಮಾದಲ್ಲಿ ಅಭಿನಯಿಸೋದಕ್ಕೆ ಆಫರ್ ಸಿಕ್ಕಾಗ ನಾನು ಸುದೀಪ್ ಅವರ ಜೊತೆ ಅಭಿನಯಿಸೋದಕ್ಕೆ ಮತ್ತೊಂದು ಅವಕಾಶ ಸಿಕ್ಕಿತ್ತಲ್ವಾ ಅಂತಾ ತುಂಬಾನೇ ಖುಶಿಯಾಗಿದ್ದೆ.ನನಗೆ ಅವರ ಜೊತೆ ಕೆಲಸ ಮಾಡೋದು ಅಂದ್ರೆ ತುಂಬಾ ಖುಶಿ.ನಾನು ಅವರ ಜೊತೆ ಕೆಲಸ ಮಾಡಿದ ಐದನೇ ಸಿನಿಮಾ ಕೋಟಿಗೊಬ್ಬ-2.ಇನ್ನು ಈ ಪಾತ್ರಕ್ಕೆ ಮೊದಲು ಪ್ರಕಾಶ್ ರೈ ಅವರಿಗೆ ಆಫರ್ ಮಾಡಲಾಗಿತ್ತಂತೆ.ಅವರು ನಿರಾಕರಿಸಿದ್ದರಿಂದ ರವಿಶಂಕರ್ ಅವರು ಈ ಪಾತ್ರವನ್ನು ಮಾಡಿದ್ದಾರಂತೆ.

ತಾಜಾ ಸುದ್ದಿಗಳನ್ನು ಓದಲು ಮೊಬೈಲ್ ಆಪ್ ಡೌನ್‍ಲೋಡ್ ಮಾಡಿಕೊಳ್ಳಿ