ನಟಿ ದೀಪಿಕಾ ಪಡುಕೋಣೆ ತಮ್ಮ ಮುಂದಿನ ಸಿನಿಮಾ ತಮಾಷಾದ ಪ್ರಮೋಷನ್ ನಲ್ಲಿ ಬ್ಯುಸಿಯಾಗಿದ್ದಾರೆ. ಮೊನ್ನ ಮೊನ್ನೆಯಷ್ಟೇ ಪ್ರಮೋಷನ್‌ಗಾಗಿಯೇ ರಣ್‌ಬೀರ್ ಹಾಗೂ ದೀಪಿಕಾ ಮುಂಬೈನಿಂದ ದೆಹಲಿಗೆ ರೈಲಿನಲ್ಲಿಯೇ ಪ್ರಯಾಣ ಬೆಳೆಸಿದ್ದರು. ಇದರ ನಡುವೆಯೇ ದೀಪಿಕಾ ಟಿವಿ ಕಾರ್ಯಕ್ರಮಗಳಲ್ಲಿಯೂ ಭಾಗವಹಿಸುತ್ತಿದ್ದಾರೆ. ಇತ್ತೀಚೆಗೆ ಒಂದು ಟಿವಿ ಕಾರ್ಯಕ್ರಮದಲ್ಲಿ ದೀಪಿಕಾ ಅವರಲ್ಲಿ ಬಾಲಿವುಡ್ ನಲ್ಲಿ ಅತ್ಯಂತ ತಮಾಷೆಯ ವ್ಯಕ್ತಿ ಯಾರು ಅಂತಾ ಕೇಳಿದ್ರಂತೆ. ದೀಪಿಕಾ ತಟ್ಟನೆ ರಣ್ ವೀರ್ ಹೆಸರು ಹೇಳಿದ್ರಂತೆ.
ದೀಪಿಕಾ ಹೇಳೋ ಪ್ರಕಾರ ರಣ್‌ವೀರ್ ತುಂಬಾನೇ ತಮಾಷೆಯ ವ್ಯಕ್ತಿಯಂತೆ. ಅವರ ಗುಣವೇ ದಿಪ್ಪಿಗೆ ತುಂಬಾ ಇಷ್ಟವಂತೆ. ಹಾಗಾಗಿಯೇ ಅವರ ನಡುವೆ ಪ್ರೀತಿ ಹುಟ್ಟಿಕೊಂಡಿತಂತೆ. ಆಗಾಗ್ಗೆ ರಣ್ ವೀರ್ ಸಿಂಗ್ ದೀಪಿಕಾ ಅವರನ್ನು ಕೆಲವು ಜೋಕ್ ಗಳನ್ನು ಹೇಳಿ ನಗಿಸುತ್ತಲೇ ಇರುತ್ತಾರಂತೆ. ಸೆಟ್ ನಲ್ಲೂ ರಣ್ ವೀರ್ ಇದ್ದರೆ ಅಲ್ಲಿ ನಗುವಿನ ವಾತಾವರಣವೇ ನೆಲೆಸಿರುತ್ತೆ ಅಂತಾ ದಿಪ್ಪಿ ಹೇಳಿದ್ದಾರೆ.
ಸದ್ಯ ದೀಪಿಕಾ ಹಾಗೂ ರಣ್‌ವೀರ್ ಸಂಜಯ್ ಲೀಲಾ ಬನ್ಸಾಲಿ ನಿರ್ದೇಶನದ ಭಾಜೀರಾವ್ ಮಸ್ತಾನಿ ಸಿನಿಮಾದಲ್ಲಿ ಜೊತೆಯಾಗಿ ಕಾಣಿಸಿಕೊಳ್ಳುತ್ತಿದ್ದಾರೆ. ಈ ಸಿನಿಮಾ ಡಿಸೆಂಬರ್ 18ರಂದು ರಿಲೀಸ್ ಆಗಲಿದೆ. ಅದೇ ದಿನ ಶಾರುಖ್ ಹಾಗೂ ಕಾಜೋಲ್ ಅಭಿನಯದ ದಿಲ್ ವಾಲೇ ಸಿನಿಮಾ ಕೂಡ ರಿಲೀಸ್ ಆಗಲಿದೆ.
