ಅಂದು ಅನುಷ್ಕಾ ಜೊತೆ ಏನಾಯ್ತು ಗೊತ್ತೆ?

ಅಂದು ಅನುಷ್ಕಾ ಶರ್ಮ ನಟನೆಯ ಹೊಸ ಚಿತ್ರ ಎನ್ವಿಚ್ 10 . ಇದರ ಚಿತ್ರೀಕರಣ ರಾಜಸ್ತಾನದಲ್ಲಿ  ನೆರವೇರುತ್ತಿದೆ. ಇತ್ತೀಚೆಗೆ ಆ ಚಿತ್ರದ ನಿರ್ದೇಶಕ ನವದೀಪ್ಸಿಂಗ್  ನಟಿ ಅನುಷ್ಕಳಿಗೆ ಪಾತ್ರದ ವಿವರಣೆ ನೀಡಿದರು. ಸರಿ ಇನ್ನೇನು ನಟಿಸ ಬೇಕು ಅನ್ನುವಷ್ಟರಲ್ಲಿ ಸಣ್ಣ ಪ್ರಮಾಣದ ಗಾಳಿ ಆರಂಭ ಆಯಿತಂತೆ.

ಅದು ಎಲ್ಲರ ಮನಕ್ಕೆ ಆಹ್ಲಾದ ನೀಡಿತು.. ಅದರ ಸವಿಯನ್ನು ಸವಿಯುತ್ತಾ ಇದ್ದವರಿಗೆ ಆ ಗಾಳಿ ಪ್ರಮಾಣ ಮತ್ತಷ್ಟು ಹೆಚ್ಚಾದಾಗಲೂ ಏನೂ ಅನ್ನಿಸಲಿಲ್ಲ. ಆದರೆ ಅದರ ರಭಸ ಅದೆಷ್ಟು ಹೆಚ್ಚಾಯಿತು ಅಂದರೆ ಅಲ್ಲಿದ್ದ ಸಿನಿಮಾ ಯೂನಿಟ್ ನವರಿಗೆ ಏನು ಮಾಡ ಬೇಕು ಎಂದು ತಿಳಿಯದ ಪರಿಸ್ಥಿತಿ.

ಅಂದರೆ ಆ ಗಾಳಿ ಸುಂಟರಗಾಳಿಯಾಗಿ ಬದಲಾಗಿತ್ತು. ಅರ್ಧಗಂಟೆ ನಿರಂತರವಾಗಿ ಬೀಸಿ ಆ ಬಳಿಕ ತಣ್ಣಗಾಯಿತಂತೆ. ಆ ಸಮದಲ್ಲಿ ಎಲ್ಲರು ದಿಕ್ಕಾಪಾಲಾಗಿ ಬಿಟ್ಟಿದ್ದರಂತೆ. ಈ ಅನುಭವದ ಬಗ್ಗೆ ಅನುಷ್ಕ ಶರ್ಮ ಟ್ವೀಟ್ ಮಾಡಿ ತಿಳಿಸಿದ್ದಾಳೆ. ಒಂದು ಪುಟ್ಟ ಪ್ರಮಾಣದ ಗಾಳಿ ಅತಿ ದೊಡ್ಡ ಸುಂಟರ ಗಾಳಿ ಆಗಿ ಬದಲಾಯಿತು. ಯೂನಿಟ್ ಸದಸ್ಯರೆಲ್ಲರೂ ಆ ಗಾಳಿಯಿಂದ ದಿಕ್ಕಾಪಾಲಾದರು. ಹಾರಿ ಬರುತ್ತಿದ್ದ ಮರಳಿನಿಂದ ಅವರ ದೇಹವು ದಣಿದು ಹೋಯಿತು.ಎಲ್ಲರು ಎಲ್ಲೆಲ್ಲೊ ಬಿದ್ದಿದ್ದರು. ಒಂದು ಸ್ವಲ್ಪ ಸಮಯ ಆದ ಬಳಿಕ ಆ ಗಾಳಿಯು ತನ್ನ ಆರ್ಭಟ ನಿಲ್ಲಿಸಿತು . ಈ ತಿಂಗಳ 17  ಎಂದಿಗೂ ಮರೆಯಲಾಗದ ದಿನ ಎನ್ನುವ ಮಾತನ್ನು ಹೇಳಿದ್ದಾಳೆ ಆಕೆ.