ರಾಜಸಿಂಹ ಸಿನಿಮಾ ಶೂಟಿಂಗ್ ಅನಿರುದ್ಧ ಕಣ್ಣಿಗೆ ಗಾಯ

ಮೊನ್ನೆ ತಾನೇ ನಟ ದಿಗಂತ್ ಅವರು ತಮ್ಮ ಸಿನಿಮಾದ ಶೂಟಿಂಗ್ ವೇಳೆ ಕಣ್ಣಿಗೆ ಗಾಯ ಮಾಡಿಕೊಂಡಿದ್ದು ಗೊತ್ತೇ ಇದೆ. ಸಿನಿಮಾದ ನಾಯಕಿಯ ಚಪ್ಪಲಿಯ ಹೀಲ್ಸ್ ತಾಗಿ ದಿಗಂತ್ ಅವರ ಕಣ್ಣಿಗೆ ಗಾಯವಾಗಿತ್ತು. ಇದೀಗ ನಟ ಅನಿರುದ್ಧ ಅವರು ತಮ್ಮ ಕಣ್ಣಿಗೆ ಏಟು ಮಾಡಿಕೊಂಡಿದ್ದಾರೆ.

ಅನಿರುದ್ಧ ಅವರು ಸದ್ಯ ರಾಜಸಿಂಹ ಸಿನಿಮಾದ ಶೂಟಿಂಗ್ ನಲ್ಲಿ ಬ್ಯುಸಿಯಾಗಿರೋದು ನಿಮಗೆಲ್ಲಾ ಗೊತ್ತೇ ಇದೆ. ಮೈಸೂರಿನಲ್ಲಿ ಈ ಸಿನಿಮಾದ ಶೂಟಿಂಗ್ ನಡೆಯುತ್ತಿತ್ತು. ಈ ವೇಳೆ ಅನಿರುದ್ಧ ಅವರ ಕಣ್ಣಿಗೆ ಗಾಯವಾಗಿದೆ. ಸಾಹಸ ದೃಶ್ಯದ ಶೂಟಿಂಗ್ ವೇಳೆ ಎದುರಿನ ಕಲಾವಿದ ಅನಿರುದ್ಧ್ ಗೆ ದೊಣ್ಣೆಯಿಂದ ಹೊಡೆಯುವ ದೃಶ್ಯವಿತ್ತು.

ಆಗ ಆಯತಪ್ಪಿ ಕೋಲು ಅನಿರುದ್ಧ್ ಕಣ್ಣು ಮತ್ತು ಕೆನ್ನೆಗೆ ತಾಗಿದೆ. ಇದರಿಂದ ಅನಿರುದ್ಧ್ ಕಣ್ಣಿಗೆ ಗಾಯವಾಗಿದೆ. ಕೂಡಲೇ ಅವರನ್ನು ಹತ್ತಿರದ ಆಸ್ಪತ್ರೆಗೆ ಕರೆದುಕೊಂಡು ಹೋಗಿ ಚಿಕಿತ್ಸೆ ಕೊಡಿಸಲಾಗಿದೆಯಂತೆ.

ಇನ್ನು ಸದ್ಯ ಅನಿರುದ್ಧ್ ಅವರು ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದು ಚೇತರಿಸಿಕೊಳ್ಳುತ್ತಿದ್ದಾರಂತೆ.ಅಲ್ಲದೇ ಶೀಘ್ರದಲ್ಲೇ ಮತ್ತೆ ಸಿನಿಮಾದ ಶೂಟಿಂಗ್ ನಲ್ಲಿ ಭಾಗವಹಿಸಲಿದ್ದಾರಂತೆ.ಇನ್ನು ಅಭಿಮಾನಿಗಳು ಯಾವುದೇ ರೀತಿಯ ಆತಂಕ ಪಡುವಂತಹ ಅಗತ್ಯವಿಲ್ಲ ಅಂತಾ ಸಿನಿಮಾ ತಂಡ ಹೇಳಿದೆ..

ತಾಜಾ ಸುದ್ದಿಗಳನ್ನು ಓದಲು ಮೊಬೈಲ್ ಆಪ್ ಡೌನ್‍ಲೋಡ್ ಮಾಡಿಕೊಳ್ಳಿ