ಪಾಕಿಸ್ತಾನದ ಮಾಡೆಲ್,ನಟಿ ಕಂದೀಲ್ ಬಲೋಚ್ ಗುಂಡೇಟಿನಿಂದ ಸಾವು?

ಪಾಕಿಸ್ತಾನದ ಮಾಡೆಲ್, ನಟಿ ಕಂದೀಲ್ ಬಲೋಚ್ ತಮ್ಮ ಸ್ವಂತ ಸಹೋದರನಿಂದಲೇ ಹತ್ಯೆಯಾಗಿದ್ದಾರೆ ಎಂದು ಹೇಳಲಾಗಿದೆ. ಮೂಲಗಳ ಪ್ರಕಾರ ಕಂದೀಲ್ ಸಹೋದರ್ ಆಕೆಯ ಮೇಲೆ ಗುಂಡು ಹಾರಿಸಿದ್ದಾನೆ ಎಂದು ಹೇಳಲಾಗುತ್ತಿದ್ದು,  ಈ ಘಟನೆ ಮುಲ್ತಾನಿಯಲ್ಲಿ ನಡೆದಿದೆ ಎಂದು ಮೂಲಗಳಿಂದ ತಿಳಿದು ಬಂದಿದೆ. 

ಕಂದೀಲ್ ಬಲೋಚಾ ತನ್ನ ಸ್ವಂತ ಸಹೋದರನಿಂದಲೇ ಗುಂಡೇಟಿಗೆ ಬಲಿಯಾಗಿದ್ದಾರೆ ಎಂದು ಹೇಳಲಾಗುತ್ತಿದೆ. ಕಂದೀಲ್‌ನನ್ನು ಬೆದರಿಸಿರುವ ಬಗ್ಗೆ ಆಕೆ ಸಹೋದರ ಫೇಸ್‌ಬುಕ್‌ಲ್ಲಿ ವಿಡಿಯೋವನ್ನು ಶೇರ್ ಮಾಡಿದ್ದ.

ಪಾಕಿಸ್ತಾನದ ಕಿಮ್ ಕರ್ದಾಶಿಯನ್ ಎಂದೇ ಖ್ಯಾತಳಾಗಿರುವ ಫೌಜಿಯಾ ಅಜೀಮ್ ಅಲಿಯಾಸ್ ಕಂದೀಲ್ ಬಲೋಚ್ ಎಂಬ ಸೆಕ್ಸಿ ನಟಿ ಇಚೆಗಷ್ಟೇ ಸಾಮಾಜಿಕ ಜಾಲತಾಣ ಫೇಸ್‌ಬುಕ್‌ನಲ್ಲಿ ಅರೆ ನಗ್ನ ಚಿತ್ರವನ್ನು ಪೋಸ್ಟ್ ಮಾಡಿದ್ದರು. 

ಆನ್‌ಲೈನ್‌ನಲ್ಲಿ ವಿಡಿಯೋ ಕುರಿತು ಅಪಸ್ವರ ಎತ್ತಿದ್ದ ಕಂದೀಲ್. ಅಲ್ಲದೇ ತನ್ನದೇ ಆದ ಬೋಲ್ಡ್ ವಿಡಿಯೋಗಳನ್ನು ಕಂದೀಲ್ ಅಪ್ ಲೋಡ್ ಮಾಡುತ್ತಿದ್ದಳು. ಇದಕ್ಕೆ ಆಕೆಯ ಸಹೋದರ್ ವಿರೋಧಿಸುತ್ತಿದ್ದ ಎನ್ನಲಾಗಿದೆ. 

ಅಂತರ್ಜಾಲದಲ್ಲಿ ತನ್ನ ವಿಡಿಯೋ ಹಾಗೂ ಫೊಟೋಗಳನ್ನು ಅಪ್ ಲೋಡ್ ಮಾಡುತ್ತಿರುವುದಕ್ಕೆ ವಿರೋಧ ವ್ಯಕ್ತಪಡಿಸಿದ್ದ ಸಹೋದರ ತನಗೆ ಕೊಲ್ಲುವ ಬಗ್ಗೆ ಬೆದರಿಕೆ ಹಾಕಿದ್ದನಂತೆ.

ಹೀಗಾಗಿ ತನಗೆ ಸೂಕ್ತ ರಕ್ಷಣೆ ನೀಡಬೇಕೆಂದು ಕೋರಿ ಪಾಕಿಸ್ತಾನ ಆಂತರಿಕ ವ್ಯವಹಾರಗಳ ಸಚಿವ ಹಾಗೂ ಪಿಎಸ್‌ಐಗೆ ಮೂರು ವಾರಗಳ ಹಿಂದೆ ಕಂದೀಲ್ ಬಲೋಚ್ ಪತ್ರ ಬರೆದಿದ್ದರು. 

ತಾಜಾ ಸುದ್ದಿಗಳನ್ನು ಓದಲು ಮೊಬೈಲ್ ಆಪ್ ಡೌನ್‍ಲೋಡ್ ಮಾಡಿಕೊಳ್ಳಿ