ಮುಂಬೈ: ಇತ್ತೀಚೆಗೆ ಬರ್ಲಿನ್ ನಲ್ಲಿ ಪ್ರಧಾನಿ ಮೋದಿಯನ್ನು ಭೇಟಿಯಾಗುವಾಗ ಬಾಲಿವುಡ್ ಬೆಡಗಿ ಪ್ರಿಯಾಂಕ ಚೋಪ್ರಾ ತೊಡೆ ಕಾಣುವಂತಹ ಉಡುಪು ಧರಿಸಿದ್ದು, ಸಾಮಾಜಿಕ ಜಾಲತಾಣದಲ್ಲಿ ಭಾರೀ ಟೀಕೆಗೆ ಗುರಿಯಾಗಿತ್ತು.
ಆದರೆ ಪ್ರಧಾನಿ ಮೋದಿಗೆ ಪ್ರಿಯಾಂಕ ಈ ರೀತಿಯ ಡ್ರೆಸ್ ಹಾಕಿಕೊಂಡು ತನ್ನೆದುರು ಕೂತಿದ್ದು ಯಾವುದೇ ಸಮಸ್ಯೆಯಾಗಿಲ್ಲವಂತೆ. ಹಾಗಂತ ಪ್ರಧಾನಿಯ ಬೆಂಗಾವಲು ಪಡೆಯ ಮೂಲಗಳು ಹೇಳಿವೆ.
ಆವತ್ತು ಪ್ರಿಯಾಂಕ ಎದೆ ಸೀಳು ಕಾಣುತ್ತಿರಲಿಲ್ಲ. ಕೈಯೂ ಸಂಪೂರ್ಣ ಮುಚ್ಚಿತ್ತು. ಹಾಗಾಗಿ ಪ್ರಧಾನಿ ಮೋದಿಗೆ ಇದರಿಂದ ಮುಜುಗರವಾಗಿಲ್ಲ ಎಂದು ಬೆಂಗಾವಲು ಪಡೆ ಹೇಳಿಕೊಂಡಿದೆ. ಆದರೆ ಸಾಮಾಜಿಕ ಜಾಲತಾಣದಲ್ಲಿ ಪ್ರಿಯಾಂಕ ಪ್ರಧಾನಿ ಬಳಿ ಎರಡು ನಿಮಿಷ ಸಮಯ ಕೇಳಿ ಮೈ ಪೂರಾ ಮುಚ್ಚುವಂತಹ ಡೀಸೆಂಟ್ ಡ್ರೆಸ್ ಹಾಕಿಕೊಂಡು ಕೂರಬಹುದಿತ್ತಲ್ಲಾ ಎಂದು ಟೀಕೆಗಳು ಬಂದಿದ್ದವು.