ಸೂಪರ್ ಸ್ಟಾರ್ ರಜನಿಕಾಂತ್ ಯಶಸ್ವಿ ಚಿತ್ರಗಳಲ್ಲಿ ರೋಬೋಟ್ ಸಹ ಒಂದಾಗಿದೆ. ಐಶ್ವರ್ಯ ರೈ ಮತ್ತು ರಜನಿ ಅವರು ಒಟ್ಟಾಗಿ ನಟಿಸಿದ್ದ ರೋಬೋಟ್ ಈಗ ಮುಂದಿನ ಭಾಗದಲ್ಲಿ ಸಿದ್ಧ ಆಗುವುದಕ್ಕೆ ಎಲ್ಲ ರೀತಿಯ ಸಿದ್ಧತೆ ನಡೆಸಲಾಗುತ್ತಿದೆ. ಈ ಚಿತ್ರದಲ್ಲಿ ತಾನು ನಟಿಸಲ್ಲ ಎಂದು ರಜನಿ ಕಾಂತ್ ಅವರು ಹೇಳಿದ್ದರು, ಅವರ ಬದಲಿಗೆ ತಮಿಳು ನಟ ವಿಜಯ್ ನಟಿಸುತ್ತಾರೆ ಎನ್ನುವ ಸುದ್ದಿ ಇತ್ತು.
ಆದರೆ ಈಗ ಕೇಳಿ ಬಂದಿರುವ ಸುದ್ದಿ ಪ್ರಕಾರ ರಜನಿಕಾಂತ್ ಆ ಚಿತ್ರದ ಮುಂದುವರೆದ ಭಾಗದಲ್ಲಿ ನಟಿಸುತ್ತಿದ್ದಾರೆ. ಅವರ ಜೊತೆ ಐಶ್ವರ್ಯ ರೈ ಬಚ್ಚನ್ ಹಾಗೂ ಅಮೀರ್ ಖಾನ್ ಸಹ ನಟಿಸುತ್ತಿದ್ದಾರೆ. ಆದರೆ ಈ ಬಗ್ಗೆ ಶಂಕರ್ ಅವರು ಆಮೀರ್ ಅವರ ಬಳಿ ಮಾತನಾಡಿದ್ದು, ಈ ಚಿತ್ರದಲ್ಲಿ ನಟಿಸಲು ಆಮೀರ್ ಸಿದ್ಧ ಆಗಿರುವ ಬಗ್ಗೆ ಸುದ್ದಿ ಹರಡಿದೆ. ಆದರೆ ಪ್ರಸ್ತುತ ಎಂತಹ ನಿರ್ಧಾರಕ್ಕೆ ಆಮೀರ್ ಬಂದಿದ್ದಾರೆ ಎನ್ನುವುದು ಗುಟ್ಟಾಗಿ ಉಳಿದಿದೆ.
ಮೊದಲ ರೋಬೋಟ್ ಸಾಕಷ್ಟು ಹೆಸರುವಾಸಿಯಾಗಿದ್ದು, ಈಗಲೂ ರಜನಿ ಅವರ ಬಗ್ಗೆ ಅನೇಕ ಜೋಕ್ ಗಳು ಹರಿದಾಡುತ್ತಲೇ ಇವೆ. ಆ ಜನಪ್ರಿಯತೆಯ ಅಡಿಯಲ್ಲಿ ಈಗ ಮತ್ತೊಬ್ಬ ರೋಬೋಟ್ ಸಿದ್ಧ ಆಗುತ್ತಿದ್ದಾನೆ!
ಒಟ್ಟಾರೆ ಮೊದಲ ರೋಬೋಟ್ ರಜನಿಕಾಂತ್ ಜೊತೆಯಲ್ಲಿ ನಟಿಸಿದ್ದ ಐಶ್ ಈಗ ರಜನಿ ಹಾಗೂ ಆಮೀರ್ ಜೊತೆ ಒಟ್ಟಾಗಿ ನಟಿಸುವುದಕ್ಕೆ ಗಮನ ನೀಡಿದ್ದಾರೆ. ಈ ಮೂರು ತಾರೆಯರ ಸಂಗಮದಿಂದ ಬಾಕ್ಸಾಫೀಸ್ ಚಿಂದಿಯಾಗುವುದು ನಿಶ್ಚಿತ ಎನ್ನುವ ಮಾತುಗಳು ಕಾಲಿವುಡ್ ನಲ್ಲಿ ಕೇಳಿ ಬರುತ್ತಿವೆ.. ಆದರೆ ಎಲ್ಲಕ್ಕೂ ಸಮಯ ಉತ್ತರ ಹೇಳುತ್ತದೆ.