ತಂಗಿಗಾಗಿ ಆ ಚಿತ್ರದಲ್ಲಿ ಹಾಡಿದ್ದಾಳೆ ನಟಿ ಶ್ರುತಿ ಹಾಸನ್. ಆ ಚಿತ್ರದ ಹೆಸರು ಶಮಿತಾಬ್. ಯುವನಟ ಧನುಷ್ ನಟಿಸುತ್ತಿರುವ ಎರಡನೇ ಹಿಂದಿ ಚಿತ್ರ ಇದಾಗಿದೆ. ಈ ಚಿತ್ರ ಹಲವು ಬಗೆ ವಿಶೇಷತೆಗಳನ್ನು ಹೊಂದಿದೆ.
ಇದರಲ್ಲಿ ಸೂಪರ್ ಸ್ಟಾರ್ ಕಮಲ್ ಹಾಸನ್ ಅವರ ಎರಡನೇ ಮಗಳು ಅಕ್ಷರ ಹಾಸನ್ ನಟಿಸುತ್ತಿದ್ದಾಳೆ. ಈ ಚಿತ್ರದ ಮೂಲಕ ಆಕೆ ಚಿತ್ರರಂಗಕ್ಕೆ ಪಾದಾರ್ಪಣೆ ಮಾಡುತ್ತಿದ್ದಾಳೆ. ಇದರಲ್ಲಿ ಬಾಲಿವುಡ್ ಬಿಗ್ ಬಿ ಅಮಿತಾಬ್ ಬಚ್ಚನ್ ಅವರು ನಟಿಸುತ್ತಿದ್ದಾರೆ. ಅಲ್ಲದೆ ಇದರಲ್ಲಿ ಪ್ರಸಿದ್ಧ ನಟಿ ರೇಖಾ ಸಹ ಮುಖ್ಯ ಪಾತ್ರಧಾರಿಯಾಗಿದ್ದಾರೆ. ಹೀಗೆ ಅನೇಕ ಪ್ರತ್ಯೇಕತೆಗಳಿಂದ ಕೂಡಿರುವ ಈ ಚಿತ್ರದಲ್ಲಿ ತಂಗಿ ಅಕ್ಷರ ಗೆಂದು ಅಕ್ಕ ಶ್ರುತಿ ಒಂದು ಹಾಡನ್ನು ಹಾಡಿದ್ದಾಳೆ. ಮತ್ತೊಂದು ವಿಶೇಷ ಎಂದರೆ ಈ ಚಿತ್ರಕ್ಕೆ ಪ್ರಸಿದ್ಧ ನಿರ್ದೇಶಕ ಇಳಯರಾಜ ಸಂಗೀತ ನೀಡಿದ್ದಾರೆ.
ಸಂಗೀತದಲ್ಲಿ ಸಾಧನೆ ಮಾಡಿರುವ ಶ್ರುತಿ ಈಗ ಒಂದು ಹಿಂದಿ ಮತ್ತು ಒಂದು ತಮಿಳು ಚಿತ್ರದಲ್ಲಿ ಹಾಡುತ್ತಿದ್ದಾಳೆ. ನಟಿಯಾಗಿ ಬ್ಯುಸಿಯಾಗಿರುವ ಈಕೆಗೆ ಸಂಗೀತದ ಮೇಲಿರುವ ಪ್ರೀತಿಯಿಂದ ಸಮಯ ಸಿಕ್ಕಾಗ ಸಿನಿಮಾಗಳಲ್ಲಿ ಸಹ ಹಾಡುವುದಕ್ಕೆ ಆದ್ಯತೆ ನೀಡುತ್ತಿರುತ್ತಾಳೆ. ಒಳ್ಳೆಯ ಹಾಡು ಎಂದು ಅನ್ನಿಸಿದರೆ ಖಂಡಿತ ಹಾಡ್ತೀನಿ ಎನ್ನುತ್ತಾಳೆ ಈ ಚೆಲುವೆ. ಶಮಿತಾಬ್ ಚಿತ್ರ ಮುಂಬರುವ ಫೆಬ್ರವರಿಯಲ್ಲಿ ಬಿಡುಗಡೆ ಆಗಲು ಸಿದ್ಧತೆ ನಡೆಸಲಾಗಿದೆ ಎನ್ನುವ ಸುದ್ದಿ ಇದೆ.
