ಮತ್ತೊಂದು ಹೊಸ ಸಂಗತಿ ಈಗ ಹೆಚ್ಚು ಗದ್ದಲ ಉಂಟು ಮಾಡುತ್ತಿದೆ. ಸಾಮಾನ್ಯವಾಗಿ ಚಿತ್ರರಂಗದಲ್ಲಿ ಕಥೆ ಕದಿಯೋರು, ಅದೇ ರೀತಿ ತಮ್ಮ ಗೆಲುವಿಗಾಗಿ ಸ್ಟಾರ್ ನಟರ ಸಿನಿಮಾ ತುಣುಕುಗಳ ಬಳಕೆ ಮಾಡಿಕೊಳ್ಳುವುದು ಹೀಗೆ ಹತ್ತು ಹಲವಾರು ಸಂಗತಿಗಳು ಸದಾ ಒಂದಲ್ಲ ಒಂದು ರೀತಿ ರಂಪ ಮಾಡುತ್ತಲೇ ಇರುತ್ತದೆ. ಈಗ ಸೂಪರ್‌ಸ್ಟಾರ್ ರಜನಿಕಾಂತ್ ಅವರ ಹೆಸರಿನ ಬಗ್ಗೆಯೂ ಸಹಿತ ಸಾಕಷ್ಟು ಗದ್ದಲ ಉಂಟಾಗಿದೆ. ಅದಕ್ಕೆ ಕಾರಣ ಮೈ ಹೂ ರಜನಿಕಾಂತ್ ಎನ್ನುವ ಹಿಂದಿ ಚಿತ್ರ. ತನ್ನ ಹೆಸರಲ್ಲಿ ಚಿತ್ರ ನಿರ್ಮಿಸಿರುವ ಬಗ್ಗೆ ಆಕ್ಷೇಪ ವ್ಯಕ್ತಪಡಿಸಿರುವ ರಜನಿಕಾಂತ್ ಈ ಬಗ್ಗೆ ಮದ್ರಾಸ್ ಹೈ ಕೋರ್ಟ್ ನಲ್ಲಿ ದೂರು ದಾಖಲು ಮಾಡಿದ್ದಾರೆ. ತನ್ನ ಹೆಸರಿನ ಚಿತ್ರ ನಿರ್ಮಾಣದ ಬಗ್ಗೆ ಆಕ್ಷೇಪ ಎತ್ತಿದ್ದಾರೆ. ಈ ಚಿತ್ರವನ್ನು ನಿಷೇಧಿಸ ಬೇಕೆಂದು ಮದ್ರಾಸ್ ಹೈಕೋರ್ಟ್‌ನಲ್ಲಿ ಪಿಟಿಷನ್ ದಾಖಲು ಮಾಡಿದ್ದಾರೆ ರಜನಿಕಾಂತ್.
ತನ್ನ ಹೆಸರನ್ನು ಚಿತ್ರಕ್ಕೆ ಇದುವ ಮುನ್ನ ಯಾವುದೇ ಅನುಮತಿ ಪಡೆದಿಲ್ಲ ಎನ್ನುವ ಸಂಗತಿ ದೂರಿನಲ್ಲಿ ತಿಳಿಸಿದ್ದಾರೆ. ಅಲ್ಲದೆ ತನ್ನ ಹೆಸರನ್ನು ದುರ್ವಿನಿಯೋಗ ಮಾಡಿದ್ದಾರೆ ಎನ್ನುವುದನ್ನು ಸಹಿತ ಆರೋಪಿಸಿದ್ದಾರೆ. ಈ ವಿಚಾರಣೆಗೆ ಸಂಬಂಧಪಟ್ಟಂತೆ ಚಿತ್ರದ ಬಿಡುಗಡೆಗೆ ಮಧ್ಯಂತರ ಸ್ಟೇ ಆಜ್ಞೆ ನೀಡಿದೆ ಮದ್ರಾಸ್ ಹೈ ಕೋರ್ಟ್. ಇದರ ವಿಚಾರಣೆಯನ್ನು ಇದೆ ತಿಂಗಳ 22 ಕ್ಕೆ ನಡೆಸಲಾಗುವುದು.