ಎಂತಹ ಪಾತ್ರಗಳನ್ನೂ ಆಗಿರಲಿ ಅದನ್ನು ಸವಾಲಾಗಿ ತೆಗೆದುಕೊಂಡು ಮಾಡುವುದರಲ್ಲಿ ಯಂಗ್ ಹೀರೋ ರಣಬೀರ್ ಕಪೂರ್ ಸಹ ಹಿಂದೆ ಉಳಿದಿಲ್ಲ. ಆದ ಕಾರಣ ಅವರು ಬರ್ಫಿ ಚಿತ್ರದಲ್ಲಿ ನಟಿಸಿದ್ದು. ಆ ಚಿತ್ರದ ನಂತರ ಮತ್ತೊಂದು ಸವಾಲ್ ಎದುರಿಸಲು ಸಿದ್ಧತೆ ನಡೆಸಿದ್ದಾರೆ ರಣಬೀರ್. ಈಗ ಭಾರತೀಯ ಚಿತ್ರರಂಗದ ಪ್ರಸಿದ್ಧ ನಟ, ನಿರ್ದೇಶಕ , ಗಾಯಕ, ನಿರ್ಮಾಪಕ ಕಿಶೋರ್ ಕುಮಾರ್ ಅವರ ಪಾತ್ರವಾಗಿ ಬೆಳ್ಳಿ ತೆರೆ ಮೇಲೆ ಕಾಣಿಸಿಕೊಳ್ಳುತ್ತಿದ್ದಾರೆ . ಈ ಚಿತ್ರವನ್ನು ಅನುರಾಗ್ ಬಸು ನಿರ್ದೇಶಿಸುತ್ತಾ ಇದ್ದಾರೆ. ಈ ಚಿತ್ರದ ಶೂಟಿಂಗ್ ಆರಂಭ ಮಾಡಲು ಇನ್ನು ಸ್ವಲ್ಪ ಸಮಯ ಇದೆ.
ಬಸು ಈ ಚಿತ್ರದ ಕಥೆ , ಚಿತ್ರಕಥೆಯ ತಯಾರಿಯಲ್ಲಿ ಇದ್ದಾರಂತೆ. ಈಗ ಬಸು ಅವರು ಕಿಶೋರ್ ಕುಮಾರ್ ಅವರ ಮಗ ಅಮಿತ್ ಕುಮಾರ್ ಅವರ ಬಳಿ ಅನುಮತಿ ಪಡೆದಿದ್ದಾರಂತೆ. ಕಥೆ ಬಗ್ಗೆ ಅಮಿತ್ ಬಳಿ ಚರ್ಚೆಗಳು ನಡೆಸಲಾಗಿದೆ ಎನ್ನುವ ಸುದ್ದಿ ಬಾಲಿವುಡ್ ನಲ್ಲಿ ಹರಿದಾಡುತ್ತಿದೆ. ಕಿಶೋರ್ ಕುಮಾರ್ ಗೆ ಸಂಬಂಧಪಟ್ಟ ಕೆಲವು ಸಂಗತಿಗಳನ್ನು ಅಮಿತ್ ಬಳಿ ಕೇಳಿ ತಿಳಿದು ಕೊಳ್ಳುವುದರ ಜೊತೆಗೆ ಸ್ಕ್ರೀನ್ ಪ್ಲೇ ತಯಾರು ಮಾಡಲು ಅಮಿತ್ ಬಳಿ ಸಹಾಯ ಕೇಳಿದ್ದಾರಂತೆ ಅನುರಾಗ್. ಅದಕ್ಕೆ ಅಮಿತ್ ಕಡೆಯಿಂದ ಸಮ್ಮತಿ ಸಿಕ್ಕಿದೆ.. ಇವೆಲ್ಲ ಆದ ಬಳಿಕ ರಣಬೀರ್ ನಟನೆ.. ಕಿಶೋರ್ ಆಗಿ ರಣ ಬೀರ್ ಎಷ್ಟರ ಮಟ್ಟಿಗೆ ಜನರನ್ನು ಸೆಳೆಯುತ್ತಾರೆ ಎನ್ನುವುದೇ ಈಗಿರುವ ಕುತೂಹಲ.