ಅಜಯ್ ದೇವಗನ್ ಅವರ ಇತ್ತೀಚಿನ ಚಿತ್ರ ಸಿಂಗಂ ರಿಟರ್ನ್ಸ್. ಅದು ಬಾಕ್ಸಾಫೀಸಲ್ಲಿ ಒಳ್ಳೆಯ ಫಲಿತಾಂಶ ನೀಡಿತ್ತು. ಅದರ ನಡುವೆ ಅವರ ಮತ್ತೊಂದು ಚಿತ್ರ ಆಕ್ಷನ್ ಜಾಕ್ಸನ್ ಬಗ್ಗೆಯೂ ಸಹಿತ ಸುದ್ದಿ ಇದ್ದೆ ಇದೆ. ಈಗ ಆಕ್ಷನ್ ಜಾಕಸನ್‌ಗೆ ಸಂಬಂಧಪಟ್ಟಂತೆ ಅಜಯ್ ದೇವಗನ್ ನಿರ್ದೇಶಕ ಪ್ರಭುದೇವ ಅವರ ಸಲಹೆಯಂತೆ ಕೆಲವೊಂದು ಸಂಗತಿಗಳಿಗೆ ಆದ್ಯತೆ ನೀಡುತ್ತಿದ್ದಾರೆ. ಈ ಚಿತ್ರದಲ್ಲಿ ಹೆಸರೇ ಹೇಳುವಂತೆ ಸಾಹಸಭರಿತ ಸಿನಿಮಾವಾದ್ದರಿಂದ ಅದಕ್ಕೆ ಪೂರಕವಾದ ಸಿದ್ಧತೆ ಮಾಡಿಕೊಳ್ಳುತ್ತಿದ್ದಾರೆ ಅಜಯ್. ಇದರಲ್ಲಿ ಅಜಯ್ ಜೊತೆ ಸೋನಾಕ್ಷಿ ಸಿನ್ಹ, ಆದಿತ್ಯ ರಾಯ್ ಕಪೂರ್ ಅವರ ಸಹೋದರ ಕುನಾಲ್ ರಾಯ್ ಕಪೂರ್ ಸಹಿತ ನಟಿಸುತ್ತಿದ್ದಾರೆ.
ಪ್ರಭುದೇವ ಅವರ ನಿರ್ದೇಶನದ ಈ ಸಾಹಸ ಭರಿತ ಚಿತ್ರ ಅಕ್ಷಯ್ ಕುಮಾರ್ ಅವರ ನಟನೆಯ ಶೌಕೀನ್ ಚಿತ್ರಕ್ಕೆ ಎದುರಾಳಿಯಾಗುವ ಸಾಧ್ಯತೆ ಇದೆ ಎಂದು ತಿಳಿದಿತ್ತು. ಈಗ ಈ ಚಿತ್ರಕ್ಕೆ ಆ ಸಮಸ್ಯೆ ಇಲ್ಲವಂತೆ. ಪ್ರಸ್ತುತ ಮುಂಬೈ ಮೆಟ್ರೋ ಯಾರ್ಡ್ನಲ್ಲಿ ಈ ಚಿತ್ರದ ಸಾಹಸ ದೃಶ್ಯಗಳನ್ನು ಶೂಟಿಂಗ್ ಮಾಡಿಕೊಳ್ಳಲಾಗುತ್ತಿದೆಯಂತೆ . ಮೊಟ್ಟ ಮೊದಲ ಬಾರಿಗೆ ಹಿಂದಿ ಚಿತ್ರದ ಶೂಟಿಂಗ್ ಈ ಸ್ಥಳದಲ್ಲಿ ನಡೆಯುತ್ತಿದೆ. ಅಜಯ್ ಹೊಸ ಚಿತ್ರದ ಬಗ್ಗೆ ದಿನೇ ದಿನೇ ಹೊಸ ಸಂಗತಿಗಳು ಹೊರ ಬಂದು ಈಗ ಅವರ ಅಭಿಮಾನಿಗಳು ಚಿತ್ರ ಎಂದು ಬಿಡುಗಡೆ ಆಗುತ್ತದೆಯೋ ಎಂದು ಕಾಯುವ ವಾತಾವರಣ ಕಲ್ಪಿಸಿದ್ದಾರೆ ಚಿತ್ರ ತಂಡ.