ಕೈಮುರಿದುಕೊಂಡ ಬಾಲಿವುಡ್ ಬೆಡಗಿ ಕತ್ರಿನಾ ಕೈಫ್

ದಕ್ಷಿಣ ಚಿತ್ರರಂಗದ ಮೂಲಕ ಬಾಲಿವುಡ್ ಪ್ರವೇಶಿಸಿದ ಬೆಡಗಿ ಕತ್ರಿನಾ ಕೈಫ್. ಬಾಲಿವುಡ್‌ಗೆ ಅಡಿಯಿಟ್ಟ ಬಳಿಕ ಮತ್ತೆ ದಕ್ಷಿಣದ ಕಡೆಗೆ ತಲೆಹಾಕಲಿಲ್ಲ ಈ ಚೆಲುವೆ. ಇತ್ತೀಚೆಗೆ ಬಾಲಿವುಡ್‌ನಲ್ಲೂ ಕಾಣಿಸಿಕೊಳ್ಳುತ್ತಿಲ್ಲ. ಆದರೆ ತೀರಾ ಇತ್ತೀಚೆಗೆ ಫೇಸ್‌ಬುಕ್ ಖಾತೆಯಲ್ಲಿ ಫೋಟೋ ಒಂದನ್ನು ಹಂಚಿಕೊಂಡಿದ್ದಾರೆ ಕತ್ರಿನಾ.

ಆದರೆ ಈ ಫೋಟೋ ನೋಡಿದ ಅಭಿಮಾನಿಗಳು ಶಾಕ್ ಆಗಿದ್ದಾರೆ. ಒಂದು ಹಳೇ ಮಾಡೆಲ್ ಕಾರಿನ ಮುಂದೆ ಕೂತಿದ್ದು, ತನ್ನ ಎಡಗೈ ಪ್ಲಾಸ್ಟರ್ ಆಫ್ ಪ್ಯಾರಿಸ್ ಬ್ಯಾಂಡೇಜ್ ಕಟ್ಟಿಕೊಂಡಿದ್ದಾರೆ. ಕತ್ರಿನಾ ಕೈ ಮುರಿದುಕೊಂಡಿದ್ದಾರಾ? ಅದಕ್ಕೇ ಈ ಬ್ಯಾಂಡೇಜ್ ಎಂದು ಅಭಿಮಾನಿಗಳು ಮಾತನಾಡಿಕೊಳ್ಳುತ್ತಿದ್ದಾರೆ.

ಆದರೆ ಈ ಫೋಟೋದಲ್ಲಿರುವುದು ನಿಜವಾದ ಬ್ಯಾಂಡೇಜ್ ಅಲ್ಲವಂತೆ! ಆಕೆ ಅಭಿನಯಿಸುತ್ತಿರುವ ಜಗ್ಗ ಜಾಸೂಸ್ ಚಿತ್ರದ ಸನ್ನಿವೇಶಕ್ಕಾಗಿ ಈ ರೀತಿ ಗೆಟಪ್ ಅಷ್ಟೇ ಎನ್ನಲಾಗಿದೆ. ಅನುರಾಗ್ ಬಸು ಆಕ್ಷನ್ ಕಟ್ ಹೇಳುತ್ತಿರುವ ಸಿನಿಮಾ. ಈ ಚಿತ್ರದಲ್ಲಿ ಬಹಳ ಕಾಲದ ಬಳಿಕ ತನ್ನ ಮಾಜಿ ಪ್ರಿಯತಮ ರಣಬೀರ್ ಕಪೂರ್ ಜತೆಗೆ ಅಭಿನಯಿಸುತ್ತಿದ್ದಾರೆ ಕತ್ರಿನಾ. 

ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ.