ಬ್ಲೂಫಿಲಂನಲ್ಲಿ ಅಭಿನಯಿಸಕ್ಕೂ ಸಿದ್ಧಳಾಗಿದ್ದ ತಾರೆ

ರಾಷ್ಟ್ರ ಪ್ರಶಸ್ತಿ ಪುರಸ್ಕೃತ ಬಾಲಿವುಡ್ ತಾರೆ ಕಂಗನಾ ರನಾವತ್ ಇತ್ತೀಚೆಗೆ ತನ್ನ ವೃತ್ತಿಬದುಕಿನ ಬಗ್ಗೆ ಮಾತನಾಡುತ್ತಾ, ಆಸಕ್ತಿಕರವಾದ ಸಂಗತಿಯೊಂದನ್ನು ಹಂಚಿಕೊಂಡಿದ್ದಾರೆ. 2006ರಲ್ಲಿ ಬಂದ ಗ್ಯಾಂಗ್‍ಸ್ಟರ್ ಸಿನಿಮಾ ಮೂಲಕ ಬಾಲಿವುಡ್ ಅಂಗಳಕ್ಕೆ ಅಡಿಯಿಟ್ಟಿದ್ದು ಗೊತ್ತೇ ಇದೆ.

ಒಂದು ವೇಳೆ ಆ ಸಿನಿಮಾದಲ್ಲಿ ಚಾನ್ಸ್ ಸಿಗದೇ ಇದ್ದಿದ್ದರೆ, ಒಂದು ಬಿ ಗ್ರೇಡ್ ಸಿನಿಮಾ ಮೂಲಕ ತನ್ನ ವೃತ್ತಿ ಬದುಕು ಆರಂಭವಾಗುತ್ತಿತ್ತು ಎಂದಿದ್ದಾರೆ. ಗ್ಯಾಂಗ್‍ಸ್ಟರ್ ಸಿನಿಮಾಗೂ ಮುಂಚೆ ನನಗೊಂದು ಆಫರ್ ಬಂದಿತ್ತು. ಅದು ಹೇಳಿಕೊಳ್ಳುವಂತ ಸಿನಿಮಾ ಅಲ್ಲ. ಆದರೂ ಪರ್ವಾಗಿಲ್ಲ ನಟಿಸೋಣ ಅಂದುಕೊಂಡಿದ್ದೆ. 

ಆಮೇಲೆ ಫೋಟೋಶೂಟ್ ಸಹ ಮಾಡಲಾಯಿತು. ಆಮೇಲೆ ಕಾಸ್ಟ್ಯೂಮ್ ರೋಬ್ ಕೊಟ್ಟರು. ಅದರಲ್ಲಿ ಬಟ್ಟೆಗಳೇನು ಇರಲಿಲ್ಲ. ಬಹುಶಃ ಇದು ನೀಲಿ ಚಿತ್ರ ಇರಬಹುದು ಎಂದುಕೊಂಡೆ. ಇದು ಒಳ್ಳೇ ಸಿನಿಮಾ ಅಲ್ಲ. ನಾನು ಮಾಡುವುದು ಅಷ್ಟು ಒಳ್ಳೆಯದಲ್ಲ ಅನ್ನಿಸಿತು. ಆಗ ಗ್ಯಾಂಗ್‌ಸ್ಟರ್ ಸಿನಿಮಾ ಬಂತು. ಆ ಸಿನಿಮಾ ಇಷ್ಟ ಆದಕಾರಣ ಅದನ್ನು ಒಪ್ಪಿಕೊಂಡೆ ಎಂದಿದ್ದಾರೆ ಕಂಗನಾ.

ಆ ಸಿನಿಮಾ ಬಿಟ್ಟಿದ್ದಕ್ಕೆ ನಿರ್ಮಾಪಕ ನನ್ನ ಮೇಲೆ ಗರಂ ಆದ. ಕೆಲವು ಕಷ್ಟಗಳನ್ನೂ ಅನುಭವಿಸಬೇಕಾಯಿತು. ಆಗ ನನಗಿನ್ನೂ 17, 18ರ ಪ್ರಾಯ. ಗ್ಯಾಂಗ್‍ಸ್ಟರ್ ಸಿನಿಮಾ ಬಂದಿಲ್ಲ ಎಂದಿದ್ದರೆ ಆ ಸಿನಿಮಾ ಒಪ್ಪಿಕೊಳ್ಳುತ್ತಿದ್ದೆ. ಆಗ ನನ್ನ ಪರಿಸ್ಥಿತಿ ಅವಕಾಶ ಸಿಕ್ಕಿದರೆ ಸಾಕು ಎಂಬಂತಿತ್ತು ಎಂದು ಹಳೆ ನೆನಪನ್ನು ಮೆಲುಕು ಹಾಕಿದ್ದಾರೆ ಬಾಲಿವುಡ್ ಕ್ವೀನ್ ಕಂಗನಾ. 

ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ.