ಜಾಗ್ವಾರ್ ಐಟಂ ಧಮಾಕ

ಮಾಜಿ ಮುಖ್ಯಮಂತ್ರಿ ಕುಮಾರಸ್ವಾಮಿಯವ್ರ ಪುತ್ರ ನಿಖಿಲ್ ಗೌಡರ ಅಭಿನಯದ ಜಾಗ್ವಾರ್ ಸದ್ಯಕ್ಕೆ ಕುತೂಹಲದ ಕಣಜ. ಪ್ರತಿದಿನ ಒಂದಿಲ್ಲ ಒಂದು ಸುದ್ದಿಯಲ್ಲಿರುತ್ತೆ. ಇಲ್ಲಿವರೆಗೂ ಶೂಟಿಂಗ್, ಟ್ರೈಲರ್ ಮತ್ತು ಆಡಿಯೋ ರೈಟ್ಸ್ ಮೂಲಕ ಸುದ್ದಿಯಲ್ಲಿದ್ದ ಚಿತ್ರ ಈಗ ಮತ್ತೊಂದು ಹೊಸ ಸುದ್ದಿಯನ್ನ ಹೊರಗೆ ಹಾಕಿದೆ.

ನಿಖಿಲ್ ಗೌಡರ ಜಾಗ್ವಾರ್ ಕಾರನ್ನ ಈಗ ನಟಿ ಶೃತಿ ಹಾಸನ್ ಹತ್ತಿದ್ದಾರೆ. ಇಲ್ಲಿವರೆಗೂ ಶೃತಿ ಹಾಸನ್ ಐಟಂ ಸಾಂಗ್ ನಿಂದ ಸಾಕಷ್ಟು ದೂರ ಉಳಿದಿದ್ರು. ಆದ್ರೀಗ ಜಾಗ್ವಾರ್ ಚಿತ್ರದ ಐಟಂ ಸಾಂಗ್ ನಲ್ಲಿ ಶೃತಿ ಮೈಚಳ್ಳಿ ಬಿಟ್ಟು ಕುಣಿದಿದ್ದಾರಂತೆ. ಶೃತಿ ಹಾಸನ್ ಮಹೇಶ್ ಬಾಬು ಅಭಿನಯದ  ತೆಲುಗಿನ ಆಗಡು ಚಿತ್ರದಲ್ಲಿ ಐಟಂ ಸಾಂಗ್ ಹೆಜ್ಜೆ ಹಾಕಿದ್ರು. ಅದರ ನಂತ್ರ ಜಾಗ್ವಾರ್ ನಲ್ಲಿ ಅಭಿಮಾನಿಗಳು ಹುಚ್ಚೆದ್ದು ಕುಣಿಯೋ ಹಾಗೆ ಸೊಂಟ ಬಳುಕಿಸಿದ್ದಾರೆ.

 ಜಾಗ್ವಾರ್ ಸಿನಿಮಾವನ್ನ ರಾಜಮೌಳಿ ಶಿಷ್ಯ ಮಹಾದೇವ್ ನಿರ್ದೇಶನ ಮಾಡ್ತಿದ್ದಾರೆ. ತೆಲುಗು ಮತ್ತು ಕನ್ನಡ ಎರಡು ಅವತರಣಿಕೆಯಲ್ಲಿ ಬಿಡುಗಡೆಯಾಗ್ತಿದೆ. ಹೀಗಾಗಿ ತೆಲುಗು ಅಭಿಮಾನಿಗಳನ್ನ ಆಕರ್ಷಿಸೋದಕ್ಕೆ ಶೃತಿ ಹಾಸನ್ ರಿಂದ್ ಸ್ಟೆಪ್ಸ್ ಹಾಕಿಸಿದ್ದಾರೆ. ಇನ್ನು ಜಾಗ್ವಾರ್ ಚಿತ್ರದಲ್ಲಿ ದೊಡ್ಡ ತಾರಾಬಳಗದ ತಂಡವೇ ಇದೆ. ಒಟ್ನಲ್ಲಿ ಸಿನಿಮಾ ಬಿಡುಗಡೆಗೂ ಮೊದಲು ಸಾಕಷ್ಟು ಕುತೂಹಲವನ್ನ ಹುಟ್ಟಿಸುತ್ತಿರೋದು ಮಾತ್ರ ಸತ್ಯ. 

ತಾಜಾ ಸುದ್ದಿಗಳನ್ನು ಓದಲು ಮೊಬೈಲ್ ಆಪ್ ಡೌನ್‍ಲೋಡ್ ಮಾಡಿಕೊಳ್ಳಿ