ಈಗಂತೂ ಗೋವಾ ಸುಂದರಿ ಇಲಿಯಾನಳದ್ದೇ ಸುದ್ದಿ. ಬಾಲಿವುಡ್ ಗೆ ಸೇರಿದ ಬಳಿಕ ಆಕೆ ದಿನಕ್ಕೊಂದು ಕಥೆಯ ಆಹಾರ ಆಗುತ್ತಿದ್ದಾಳೆ. ಇಲಿಯಾನಳ ಹೊಸ ಕಥೆ ಅಂದ್ರೆ ಇತ್ತೀಚೆಗೆ ಆಕೆಯನ್ನು ಮುಂಬೈ ಪೊಲೀಸರು ಅರೆಸ್ಟ್ ಮಾಡಿದ್ದಾರೆ. ಅದಕ್ಕೆ ಕಾರಣ ಇಷ್ಟೇ ಆಕೆ ನಡೆಸುತ್ತಿದ್ದ ಕಾರನ್ನು ನಿಲ್ಲಿಸಿ ಅವರು ಅದರ ನೇಮ್ ಪ್ಲೇಟನ್ನು ಪರೀಕ್ಷೆ ಮಾಡಿದರಂತೆ, ಆದರೆ ಅದು ಡೂಪ್ಲಿಕೇಟ್ ಅಂತ ಗೊತ್ತಾಯಿತಂತೆ.
ಹಾಗೆ ಆದ್ರೆ ಸುಮ್ಮನೆ ಬಿಡ್ತಾರ ಪೊಲೀಸರು? ತಕ್ಷಣ ಆಕೆಯನ್ನು ಎತ್ತಾಕಿಕೊಂಡು ಹೋಗಿ ಪೊಲೀಸ್ ಸ್ಟೇಶನ್ ನಲ್ಲಿ ಬಚ್ಚಿಟ್ಟಿದ್ದಾರೆ. ಆ ಬಳಿಕ ಆಕೆಯನ್ನು ವಿಚಾರಣೆಗೆ ಒಳಪಡಿಸಿ ಬಿಟ್ಟು ಬಿಟ್ಟಿದ್ದಾರೆ.
ಆದರೆ ಒಂದು ಫೇಕ್ ನಂಬರ್ ಕಾರಿನಲ್ಲಿ ಆಕೆ ಯಾಕಾದ್ರೂ ಓಡಾಡುತ್ತಿದ್ದಳೋ ಎನ್ನುವುದರ ಬಗ್ಗೆ ಯಾವುದೇ ಕ್ಲಾರಿಟಿ ಇಲ್ಲ. ವರುಣ್ ಧವನ್ ಚಿತ್ರ್ ಮೈ ತೇರ ನಟಿಸಿರುವ ಇಲಿಯಾನ ಆ ಚಿತ್ರದ ಪ್ರಮೋಶನ್ ಗಾಗಿ ಓಡಾಡುತ್ತಿದ್ದಾಳೆ. ಬರ್ಫಿಯ ಮೂಲಕ ಹೆಸರು ಪಡೆದ ಈ ಚೆಲುವೆ ಈ ರೀತಿ ಅರೆಸ್ಟ್ ಆದ ಕಾರಣ ಮೀಡಿಯಾ ಬಾಯಿಗೆ ಆಹಾರ ಆಗಿದ್ದಾಳೆ.
ಟಾಲಿವುಡ್ ಗೆ ಬೈ ಹೇಳಿ ಈಗ ಬಾಲಿವುಡ್ ನಲ್ಲಿ ನೆಲೆ ಕಾಣಲು ಹೊರಟಿರುವ ಇಲಿಯಾನ ಹೀಗೆ ಅದು ಫೇಕ್ ನಂಬರ್ ಪ್ಲೇಟ್ ಪ್ರಕರಣದಲ್ಲಿ ಅರೆಸ್ಟ್ ಆಗಿದ್ದು ಉತ್ತರ ಹಾಗೂ ದಕ್ಷಿಣ ಭಾರತ ಎರಡೂ ಕಡೆ ಸುದ್ದಿ ಆಗಿದೆ!