ಮುಂಬೈ: ಬಾಲಿವುಡ್ ನ ಮಿಸ್ಟರ್ ಪರ್ಫೆಕ್ಷನಿಸ್ಟ್ ಆಮೀರ್ ಖಾನ್ ದಂಗಲ್ ಚಿತ್ರಕ್ಕೆ ತೆಗೆದುಕೊಂಡ ಸಂಭಾವನೆ ಕೇಳಿದ್ರೆ ನಿಜಕ್ಕೂ ಶಾಕ್ ಆಆಗ್ತೀರಾ. 257 ಕೋಟಿ ರೂ ಸಂಭಾವನೆಯನ್ನು ಆಮೀರ್ ಪಡೆದುಕೊಂಡಿದ್ದಾರಂತೆ.
ಭಾರತದಲ್ಲಿ 1291 ಕೋಟಿ ರೂ ಗಳಿಸಿದ್ದ ದಂಗಲ್ ಸಿನಿಮಾ ಚೀನಾದಲ್ಲಿ 9,000 ಸ್ಕ್ರೀನ್ ಗಳಲ್ಲಿ ಮೇ 5 ರಂದು ಬಿಡುಗಡೆಯಾಗಿತ್ತು. ಮೊದಲದಿನವೇ 86 ಕೋಟಿ ರೀ ಗಳಿಕೆ ಮೂಲಕ ಅಲ್ಲಿ ದಾಖಲೆ ನಿರ್ಮಿಸಿತ್ತು. ಚೀನಾ ಸೇರಿದಂತೆ ವಿಶ್ವದೆಲ್ಲೆಡೆ ಒಟ್ಟು 2,000 ಕೋಟಿ ರೂ ಗಳಿಕೆಯ ದಾಖಲೆಯೊಂದಿಗೆ ಅತಿ ಹೆಚ್ಚು ಬಾಕ್ಸ್ ಆಫೀಸ್ ಗಳಿಕೆ ಮಾಡಿದ ಭಾರತೀಯ ಸಿನೀಮಾ ಎಂಬ ಹೆಗ್ಗಳಿಕೆಗೆ ದಂಗಲ್ ಪಾತ್ರವಾಗಿದೆ. ಅಷ್ಟೇ ಅಲ್ಲ ಎಸ್ ಎಸ್ ರಾಜಮೌಳಿ ನಿರ್ದೇಶನದ ಬಾಹುಬಲಿ-2 ಗಳಿಕೆಯನ್ನು ಈ ಚಿತ್ರ ಹಿಂದಿಕ್ಕಿದೆ.
ಇಷ್ಟೆಲ್ಲ ದಾಖಲೆಗಳನ್ನು ಮಾಡಿರುವ ಈ ಚಿತ್ರದೊಂದಿಗೆ ಅಮೀರ್ ಸಂಭಾವನೆಯ ಬಗ್ಗೆಯೂ ಸಾಕಷ್ಟು ಸುದ್ದಿಗಳು ಹಬ್ಬಿದ್ದವು. ಈ ವರೆಗೆ ಆಮೀರ್ 157 ಕೋಟಿ ರೂ ಪಡೆದಿದ್ದಾರೆ ಎಂದು ಹೇಳಲಾಗುತ್ತಿತ್ತು. ಆದರೆ ಈಗ ವಿದೇಶಿ ಪತ್ರಿಕೆಯೊಂದು ವರದಿ ಮಾಡಿರುವ ಪ್ರಕಾರ ದಂಗಲ್ ಚಿತ್ರಕ್ಕಾಗಿ ಆಮೀರ್ ಖಾನ್ ಪಡೆದಿರುವ ಸಂಭಾವನೆ ಬರೋಬ್ಬರಿ 257 ಕೋಟಿ ರೂಗಳಂತೆ.