ಮತ್ತೆ ಜೊತೆಯಾಗಿ ನಟಿಸುತ್ತಿದ್ದಾರೆ ಸಲ್ಮಾನ್ ಖಾನ್ - ಮುನ್ನಿ

ಭಜರಂಗಿ ಭಾಯಿಜಾನ್ ಸಿನಿಮಾ ನೋಡಿದ ಮಂದಿಗೆ ಇಂದಿಗೂ ನೆನಪಿನಲ್ಲಿ ಉಳಿದಿರುವ ಪಾತ್ರ ಅಂದ್ರೆ ಮುನ್ನಿ ಪಾತ್ರ. ಸಿನಿಮಾದಲ್ಲಿ ಮುನ್ನಿ ಅಲಿಯಾಸ್ ಹರ್ಷಾಲಿ ಮಲ್ಹೋತ್ರಾ ಪಾತ್ರ ನೋಡಿದವರು ಅಯ್ಯೋ ಇಷ್ಟು ಚಿಕ್ಕ ವಯಸ್ಸಿಗೆ ಎಷ್ಟು ದೊಡ್ಡ ಪಾತ್ರ ನಿರ್ವಹಿಸಿದ್ದಾಳೆ ಅಂತಾ ಹಾಡಿ ಹೊಗಳಿದ್ದರು.

ಅದರಲ್ಲು ಸಲ್ಮಾನ್ ಖಾನ್ ಹಾಗೂ ಹರ್ಷಾಲಿ ಮಲ್ಹೋತ್ರಾ ಕಾಂಬಿನೇಷನ್ ವರ್ಣಿಸಲಾಗದ್ದು. ಇದೀಗ ಹರ್ಷಾಲಿ ಹಾಗೂ ಸಲ್ಮಾನ್ ಖಾನ್ ಅವರು ಮತ್ತೆ ಜೊತೆಯಾಗಿ ಅಭಿನಯಿಸುತ್ತಿದ್ದಾರೆ ಅನ್ನೋ ಮಾತುಗಳು ಕೇಳಿ ಬರುತ್ತಿದೆ.

ಅಂದ್ಹಾಗೆ ಇವರಿಬ್ಬರು ಮತ್ತೆ ಯಾವ ಸಿನಿಮಾದಲ್ಲಿ ಜೊತೆಯಾಗಿ ಅಭಿನಯಿಸಲಿದ್ದಾರೆ ಅಂತಾ ತಲೆಕೆಡಿಸಿಕೊಳ್ಳಬೇಡಿ ಅಂದ್ಹಾಗೆ ಇವರಿಬ್ಬರು ಜೊತೆಯಾಗಿ ಅಭಿನಯಿಸುತ್ತಿರೋದು ಯಾವುದೋ ಸಿನಿಮಾದಲ್ಲಲ್ಲ. ಬದಲಾಗಿ ಜಾಹೀರಾತೊಂದರಲ್ಲಿ. ಬಿಸ್ಕತ್ತೊಂದರ ಜಾಹೀರಾತಿನಲ್ಲಿ ಇವರಿಬ್ಬರು ಜೊತೆಯಾಗಿ ಅಭಿನಯಿಸಲಿದ್ದಾರಂತೆ.ಅಂದ್ಹಾಗೆ ಅಚ್ಚರಿಯ ವಿಚಾರ ಅಂದ್ರೆ ಈ ಜಾಹೀರಾತಿನಲ್ಲಿ ಸಲ್ಮಾನ್ ಹಾಗೂ ಹರ್ಷಾಲಿ ಮಲ್ಹೋತ್ರಾ ಅವರು ಜೊತೆಯಾಗಿ ಅಭಿನಯಿಸಿದ್ದ ಭಜರಂಗಿ ಭಾಯಿಜಾನ್ ಸಿನಿಮಾದ ಸೆಲ್ಫಿ ಲೇ ಲಾರೆ ಹಾಡನ್ನು ಈ ಜಾಹೀರಾತಿನಲ್ಲಿ ಬಳಸಿಕೊಳ್ಳಲಾಗುತ್ತಿದೆಯಂತೆ.

ಇನ್ನು ಹರ್ಷಾಲಿ ಶೂಟಿಂಗ್ ವೇಳೆ ಸಲ್ಮಾನ್ ಖಾನ್ ಅವರೊಂದಿಗೆ ಕಳೆದಿರುವ ಕ್ಷಣಗಳ ಫೋಟೋಗಳನ್ನು ಹರ್ಷಾಲಿ ತಾಯಿ ಸಾಮಾಜಿಕ ಜಾಲತಾಣಗಳಲ್ಲಿ ಶೇರ್ ಮಾಡಿದ್ದಾರೆ. ಅಲ್ಲದೇ ಹರ್ಷಾಲಿ ಯಾವಾಗಲೂ ಸಲ್ಮಾನ್ ಖಾನ್ ಅವರ ಜೊತೆ ಸಮಯ ಕಳೆಯೋದಕ್ಕೆ ಇಷ್ಟಪಡುತ್ತಾಳೆ. ಹರ್ಷಾಲಿ ಅಂದ್ರೆ ಸಲ್ಮಾನ್ ಖಾನ್ ಅವರಿಗೂ ತುಂಬಾನೇ ಇಷ್ಟ ಅಂತಾ ಅವರು ಹೇಳಿದ್ದಾರೆ. ಇನ್ನು ಈ ಜಾಹೀರಾತು ಅತೀ ಶೀಘ್ರದಲ್ಲಿ ಪ್ರಸಾರವಾಗಲಿದೆಯಂತೆ.

ತಾಜಾ ಸುದ್ದಿಗಳನ್ನು ಓದಲು ಮೊಬೈಲ್ ಆಪ್ ಡೌನ್‍ಲೋಡ್ ಮಾಡಿಕೊಳ್ಳಿ 

ಹರ್ಷಾಲಿ ಮಲ್ಹೋತ್ರಾ ಸಲ್ಮಾನ್ ಖಾನ್,