ರಿತೇಶ್ ಕೊಟ್ಟ ಗುಲಾಬಿ ಹೂವನ್ನು ಈಗಲೇ ಜೋಪಾನವಾಗಿಟ್ಟಿರುವ ಜೆನಿಲಿಯಾ

ಮುಂಬೈ: ಇಂದು ವಿಶ್ವದಾದ್ಯಂತ ವಾಲೆಂಟೈನ್ಸ್ ಡೇ ಆಚರಿಸಲಾಗುತ್ತಿದೆ. ನಮ್ಮ ಸಿನಿಮಾ ರಂಗದಲ್ಲಿ ಎಷ್ಟೋ ಮಂದಿ ರೀಲ್ ನಿಂದ ರಿಯಲ್ ಲೈಫ್ ನಲ್ಲಿ ಪ್ರೀತಿಸಿ ಮದುವೆಯಾದ ಜೋಡಿಗಳಿದ್ದಾರೆ.

ಅವರ ಪೈಕಿ ಬಾಲಿವುಡ್ ನ ರಿತೇಶ್ ದೇಶ್ ಮುಖ್ ಮತ್ತು ಜೆನಿಲಿಯಾ ಡಿ ಸೋಜಾ ಕೂಡಾ ಒಬ್ಬರು. ರಿತೇಶ್ ಬಾಲಿವುಡ್ ನಲ್ಲಿ ಜನಪ್ರಿಯರಾಗಿದ್ದರೆ, ಜೆನಿಲಿಯಾ ಟಾಲಿವುಡ್ ಸಿನಿಮಾಗಳಲ್ಲಿ ಬ್ಯುಸಿಯಾಗಿದ್ದರು. ಇಬ್ಬರೂ ಹಿಂದಿಯಲ್ಲಿ ಒಟ್ಟಿಗೇ ಸಿನಿಮಾ ಮಾಡಿದ ಮೇಲೆ ಇಬ್ಬರ ನಡುವೆ ಪ್ರೇಮಾಂಕುರವಾಗಿದೆ.

ಜೆನಿಲಿಯಾರನ್ನು ರಿತೇಶ್ ಸಿನಿಮೀಯ ಶೈಲಿಯಲ್ಲಿ ಪ್ರಪೋಸ್ ಮಾಡಿ ಮದುವೆಯಾಗಿದ್ದರು. ವಿಶೇಷವೆಂದರೆ ಈ ಜೋಡಿ ಈಗಲೂ ಅನ್ಯೋನ್ಯವಾಗಿ ಖುಷಿಯಾಗಿ ಜೊತೆಯಾಗಿದ್ದಾರೆ. ಬಾಲಿವುಡ್ ಜೋಡಿಗಳು ಮದುವೆಯಾಗಿ ನಾಲ್ಕು ದಿನಕ್ಕೆ ಬೇರೆಯಾದ ಎಷ್ಟೋ ಉದಾಹರಣೆಗಳಿವೆ ಆದರೆ ಈ ಜೋಡಿ ಮಾತ್ರ ಮಾಡೆಲ್ ಕಪಲ್ ಎನ್ನುವ ರೀತಿ ಬದುಕುತ್ತಿದ್ದಾರೆ. ಇಬ್ಬರ ಪ್ರೀತಿಯ ಫಲವಾಗಿ ಇಬ್ಬರು ಮಕ್ಕಳೂ ಇದ್ದಾರೆ.

ಪ್ರಪೋಸ್ ಮಾಡಿದ ಗುಲಾಬಿ ಈಗಲೂ ಇಟ್ಟುಕೊಂಡಿರುವ ಜೆನಿಲಿಯಾ
ವಿಶೇಷವೆಂದರೆ ರಿತೇಶ್ ಮೊದಲ ಬಾರಿಗೆ ಜೆನಿಲಿಯಾಗೆ ಪ್ರಪೋಸ್ ಮಾಡುವಾಗ ನೀಡಿದ್ದ ಗುಲಾಬಿಯನ್ನು ಅವರು ಈಗಲೂ ಕಾಪಾಡಿಕೊಂಡಿದ್ದಾರಂತೆ. ಅದು ಬಾಡಿ, ಒಣಗಿ ಹೋಗಿದ್ದರೂ ಅದನ್ನು ಇನ್ನೂ ತಮ್ಮ ಬಳಿಯೇ ಇಟ್ಟುಕೊಂಡಿರುವುದಾಗಿ ಜೆನಿಲಿಯಾ ಹೇಳಿಕೊಂಡಿದ್ದರು.  ಇದು ಇಬ್ಬರ ನಡುವಿನ ನಿಜವಾದ ಪ್ರೀತಿಗೆ ಸಾಕ್ಷಿ.