ಬಾಲಿವುಡ್ ಚಿತ್ರರಸಿಕರಿಗೆ ಇಮ್ರಾನ್ ಹಸ್ಮಿ ಹೆಸರು ಗೊತ್ತೇ ಇರುತ್ತೆ. ರೊಮ್ಯಾಂಟಿಕ್ ಸೀನ್ಗಳಲ್ಲಿ ತನ್ನದೇ ಛಾಪು ಮೂಡಿಸಿದ ನಟ. ಅದರಲ್ಲೂ ಕಿಸ್ಸಿಂಗ್ ಬಾಯ್ ಎಂದೇ ಗುರುತಿಸಿಕೊಂಡವನು. ಈ ಹೀರೋಗೆ ಐದು ವರ್ಷದ ಪುತ್ರನಿದ್ದು, ಪಾಪ ಆ ಮಗು ಕಿಡ್ನಿ ಕ್ಯಾನ್ಸರ್ನಿಂದ ಬಳಲುತ್ತಿದೆ.
ಈ ವಿಷಯನ್ನು ಇಮ್ರಾನ್ ಹಸ್ಮಿ ಸ್ವತಃ ಹೇಳಿದ್ದಾರೆ. ನಮಗೆ ಈ ವಿಷಯ ಗೊತ್ತಾದಾಗ ಚಿಂತೆಗೀಡಾಗಿದ್ದೆವು. ತಲೆಯಲ್ಲಿ ನಾನಾ ಆಲೋಚನೆಗಳು ಬರುತ್ತಿದ್ದವು ಎಂದಿದ್ದಾರೆ ಇಮ್ರಾನ್. ಕ್ಯಾನ್ಸರ್ ಬಗ್ಗೆ ಜಾಗೃತಿ ಮೂಡಿಸುವ ಕಾರ್ಯಕ್ರಮದಲ್ಲಿ ಪಾಲ್ಗೊಂಡಿದ್ದ ಅವರು ಮಾಧ್ಯಮಗಳ ಜೊತೆ ಮಾತನಾಡುತ್ತಾ ಈ ವಿಷಯ ಹಂಚಿಕೊಂಡಿದ್ದಾರೆ.
2014ರಲ್ಲಿ ಪುತ್ರನಿಗೆ ಕ್ಯಾನ್ಸರ್ ಇದೆ ಎಂದು ಗೊತ್ತಾದಾಗ ಸಾಕಷ್ಟು ಒದ್ದಾಡಿದೆವು. ನಮಗೇ ಈ ರೀತಿ ಯಾಕಾಯಿತು ಎಂದು ನೋವನುಭವಿಸಿದೆವು. ಈಗ ಆ ನೋವಿನಿಂದ ಹೊರಬಂದು ಮಗನಿಗೆ ಚಿಕಿತ್ಸೆ ಮಾಡಿಸುತ್ತಿದ್ದೇವೆಂದು, ಅದರಿಂದ ಪೂರ್ಣ ಪ್ರಮಾಣದಲ್ಲಿ ವಾಸಿಯಾಗದಿದ್ದರೂ ಇನ್ನು ನಾಲ್ಕು ವರ್ಷ ಬದುಕಬಹುದಷ್ಟೇ. ತನ್ನ ಮಗನನ್ನು ಬದುಕಿಸಿಕೊಳ್ಳಲು ಎಷ್ಟೇ ಕಷ್ಟ ಆದರೂ ಭರಿಸುತ್ತೇನೆ ಎಂದಿದ್ದಾರೆ.
ತಾಜಾ ಸುದ್ದಿಗಳನ್ನು ಓದಲು ವೆಬ್ದುನಿಯಾ ಮೊಬೈಲ್ ಆ್ಯಪ್ ಡೌನ್ಲೋಡ್ ಮಾಡಿಕೊಳ್ಳಿ.