ಬಾಲಿವುಡ್‌ನಲ್ಲಿ ತನ್ನ ಮೊದಲ ಸಿನಿಮಾದ ಮೂಲಕವೇ ಭರವಸೆ ಹುಟ್ಟಿಸಿದ ನಟಿ ಶ್ರದ್ಧಾ ಕಪೂರ್. ಸದ್ಯ ಶ್ರದ್ಧಾ ಕಪೂರ್ ಟೈಗರ್ ಶ್ರಾಫ್ ಜೊತೆ ಭಾಗೀ ಸಿನಿಮಾದಲ್ಲಿ ಅಭಿನಯಿಸುತ್ತಿದ್ದಾರೆ. ಸಿನಿಮಾದಲ್ಲಿ ಮೊದಲ ಬಾರಿಗೆ ಆಕ್ಷನ್ ಸೀನ್‌ಗಳಲ್ಲಿ ಕಾಣಿಸಿಕೊಳ್ಳುತ್ತಿದ್ದಾರಂತೆ ಶ್ರದ್ಧಾ.
ಇನ್ನು ಆಕ್ಷನ್ ಸೀನ್‌ಗಳಲ್ಲಿ ಮೊದಲ ಬಾರಿಗೆ ಕಾಣಿಸಿಕೊಳ್ಳುತ್ತಿರೋದರಿಂದ ಶ್ರದ್ಧಾ ಅದಕ್ಕಾಗಿ ಕೊಂಚ ತಯಾರಿ ಕೂಡ ಮಾಡಿಕೊಳ್ಳುತ್ತಿದ್ದಾರಂತೆ. ಅಲ್ಲದೇ ಈಗಾಗಲೇ ಇದಕ್ಕಾಗಿ ಬ್ಯಾಂಕಾಂಕ್ ನಲ್ಲಿ ತರಬೇತಿ ಪಡೆಯುತ್ತಿದ್ದಾರೆ ಶ್ರದ್ಧಾ ಕಪೂರ್. ಐದು ದಿನಗಳ ಕಾಲ ದಿನಕ್ಕೆ ಎರಡರಿಂದ ಮೂರು ಗಂಟೆಗಳ ಕಾಲ ಶ್ರದ್ಧಾ ಕಪೂರ್ ಕೆಲ ಫೈಟಿಂಗ್ ಕಲೆಗಳನ್ನು ಅಭ್ಯಾಸ ಮಾಡಲಿದ್ದಾರೆ.
ಶ್ರದ್ಧಾ ಮುಖ್ಯವಾಗಿ ಕಿಕ್ಕಿಂಗ್, ಪಂಚಿಂಗ್,ಬ್ಲಾಕಿಂಗ್ ಹೀಗೆ ಸಿನಿಮಾಕ್ಕೆ ಬೇಕಾದ ಆದ ಅಗತ್ಯ ಕಲೆಗಳನ್ನು ರೂಢಿಸಿಕೊಳ್ಳುತ್ತಿದ್ದಾರಂತೆ. ಇನ್ನು ಹೊಸ ವಿದ್ಯೆ ಕಲಿಯುತ್ತಿರೋದು ಶ್ರದ್ಧಾಗೆ ತುಂಬಾನೇ ಖುಷಿ ಕೊಡುತ್ತಿದೆಯಂತೆ.ಈ ಹಿಂದೆ ಏಕ್ ವಿಲನ್ ಸಿನಿಮಾಗಾಗಿ ಶ್ರದ್ಧಾ ಬೈಕ್ ರೈಡಿಂಗ್ ಕಲಿತ್ತಿದ್ದರು. ಎಬಿಸಿಡಿ-2 ಗಾಗಿ ವಿವಿಧ ರೀತಿಯ ಡ್ಯಾನ್ಸ್ ಗಳನ್ನು ಕಲಿತಿದ್ದರು. ಇನ್ನು ಮುಂದಿನ ಸಿನಿಮಾ ರಾಕ್ ಆನ್ 2 ಗಾಗಿ ಪಿಯಾನೋ ಕಲಿಯಲಿದ್ದಾರೆ ಶ್ರದ್ಧಾ. ಇದನ್ನೆಲ್ಲಾ ನೋಡುತ್ತಿದ್ರೆ ಶ್ರದ್ಧಾ ಒಂದೊಂದು ಸಿನಿಮಾಗಾಗಿ ಒಂದೊಂದು ವಿದ್ಯೆ ಕಲಿಯೋದಂತು ಕನ್ಫರ್ಮ್ ಆಗಿದೆ.
