ಸ್ಯಾಂಡಲ್ ವುಡ್ ಅಂಗಳದಲ್ಲಿ ಸಾಕಷ್ಟು ಸುದ್ದಿ ಮಾಡುತ್ತಿರುವ ಸಿನಿಮಾ ಡೊದ್ಮನೆ ಹುಡ್ಗ. ಪುನೀತ್ ರಾಜ್ ಕುಮಾರ್ ಅಭಿನಯಿಸುತ್ತಿರುವ ಈ ಸಿನಿಮಾ ಯಾವಾಗ ರಿಲೀಸ್ ಆಗುತ್ತೆ ಅಂತಾ ಅಭಿಮಾನಿಗಳು ಬಹು ದಿನಗಳಿಂದ ಕಾಯುತ್ತಲೇ ಇದ್ದಾರೆ. ಹೀಗೆ ಕಾಯುತ್ತಿದ್ದ ಅಭಿಮಾನಿಗಳಿಗೆ ಸಿನಿಮಾ ತಂಡ ನಿನ್ನೆ ಭರ್ಜರಿ ಉಡುಗೊರೆ ನೀಡಿದೆ.
ಬಹು ನಿರೀಕ್ಷಿತ ದೊಡ್ಮನೆ ಹುಡ್ಗ ಸಿನಿಮಾದ ಟ್ರೇಲರ್ ನಿನ್ನೆ ತಾನೇ ರಿಲೀಸ್ ಆಗಿದೆ. ಕೃಷ್ಟ ಜನ್ಮಾಷ್ಟಮಿ ಪ್ರಯುಕ್ತ ಸಿನಿಮಾ ತಂಡ ನಿನ್ನೆ ಸಿನಿಮಾದ ಟ್ರೇಲರ್ ನ್ನು ರಿಲೀಸ್ ಮಾಡಿದೆ. ಪಾರ್ವತಮ್ಮ ರಾಜ್ ಕುಮಾರ್ ಅವರು ದೊಡ್ಮನೆ ಹುಡ್ಗ ಸಿನಿಮಾದ ಟ್ರೇಲರ್ ರಿಲೀಸ್ ಮಾಡಿದ್ರು.ಆ ಮೂಲಕ ಅಭಿಮಾನಿಗಳಿಗೆ ಜನ್ಮಾಷ್ಟಮಿಯ ಉಡುಗೊರೆ ನೀಡಿದ್ರು. ಅಲ್ಲದೇ ದೊಡ್ಮನೆ ಹುಡ್ಗ ಸಿನಿಮಾ ಉತ್ತಮ ಯಶಸ್ಸು ಪಡೆಯಲಿ ಅಂತಾ ಸಿನಿಮಾ ತಂಡಕ್ಕೆ ಹಾಗೇ ಮುದ್ದಿನ ಮಗನಿಗೆ ಶುಭ ಹಾರೈಸಿದ್ರು. ಇನ್ನು ಸಪ್ಟಂಬರ್ 23 ರಂದು ದೊಡ್ಮನೆ ಹುಡ್ಗ ಸಿನಿಮಾ ರಿಲೀಸ್ ಆಗಲಿದಯಂತೆ.
ಇನ್ನು ಈ ಸಿನಿಮಾವನ್ನು ದುನಿಯಾ ಸೂರಿ ನಿರ್ದೇಶನ ಮಾಡುತ್ತಿದ್ದಾರೆ. ರಾಧಿಕಾ ಪಂಡಿತ್ ನಾಯಕಿಯಾಗಿ ಕಾಣಿಸಿಕೊಂಡಿದ್ದಾರೆ. ಇನ್ನುಳಿದಂತೆ ರೆಬೆಲ್ ಸ್ಟಾರ್ ಅಂಬರೀಶ್, ರವಿಶಂಕರ್, ಚಿಕ್ಕಣ್ಣ ಮುಂತಾದವರು ಸಿನಿಮಾದಲ್ಲಿ ಅಭಿನಯಿಸಿದ್ದಾರೆ. ಸಿನಿಮಾದ ಹಾಡುಗಳು ಈಗಾಗಲೇ ಅಭಿಮಾನಿಗಳಿಗೆ ಭರ್ಜರಿ ಕಿಕ್ ನೀಡುತ್ತಿವೆ. ನಾಲ್ಕು ಹಾಡುಗಳು ಈಗಾಗಲೇ ರಿಲೀಸ್ ಆಗಿವೆ.
ತಾಜಾ ಸುದ್ದಿಗಳನ್ನು ಓದಲು ಮೊಬೈಲ್ ಆಪ್ ಡೌನ್‍ಲೋಡ್ ಮಾಡಿಕೊಳ್ಳಿ