‘ಸಂಭೋಗ’ ಪದ ಬಳಸಿದ್ದಕ್ಕೆ ಶಾರುಖ್ ಚಿತ್ರದ ಟ್ರೇಲರ್ ಗೇ ಕತ್ತರಿ!

ನವದೆಹಲಿ: ಸಿನಿಮಾದಲ್ಲಿ ಕೆಲವು ವಿವಾದಾತ್ಮಕ ದೃಶ್ಯ ಅಥವಾ ಸಂಭಾಷಣೆಗಳಿದ್ದರೆ ಸೆನ್ಸಾರ್ ಮಂಡಳಿ ಕತ್ತರಿ ಪ್ರಯೋಗ ಮಾಡುವುದು ಸಾಮಾನ್ಯ. ಆದರೆ ಇದೀಗ ಅಶ್ಲೀಲ ಶಬ್ಧವಿದೆ ಎನ್ನುವ ಕಾರಣಕ್ಕೆ ಸೆನ್ಸಾರ್ ಮಂಡಳಿ ಟ್ರೇಲರ್ ಗೇ ಕತ್ತರಿ ಹಾಕಿದೆ.

ಶಾರುಖ್ ಖಾನ್ ಮತ್ತು ಅನುಷ್ಕಾ ಶರ್ಮಾ ಅಭಿನಯದ ಬಹುನಿರೀಕ್ಷಿತ ‘ಜಬ್ ಹ್ಯಾರಿ ಮೆಟ್ ಸೆಜಾಲ್’ ಚಿತ್ರದ ಟ್ರೇಲರ್ ಕತ್ತರಿ ಪ್ರಯೋಗಕ್ಕೊಳಗಾಗಿದೆ. ಚಿತ್ರದ ಟ್ರೇಲರ್ ನಲ್ಲಿ ‘ಸಂಭೋಗ’ (ಇಂಟರ್ ಕೋರ್ಸ್) ಪದ ಬಳಕೆ ಮಾಡಿದ್ದಕ್ಕೆ ಸೆನ್ಸಾರ್ ಮಂಡಳಿ ಆಕ್ಷೇಪ ವ್ಯಕ್ತಪಡಿಸಿದೆ.

ಅದರ ಬದಲು ಬೇರೆ ಪದ ಬಳಕೆ ಮಾಡಲು ಸೂಚಿಸಿದೆ. ಇದರಲ್ಲಿ ವಿಚಿತ್ರವಾದ್ದೇನೂ ಇಲ್ಲ. ಪದ ಬಳಕೆ ಅಶ್ಲೀಲವಾಗಿದ್ದರೆ ಬದಲಾಯಿಸಲು ಸೂಚಿಸುವುದು ಸಹಜ ಎಂದು ಮಂಡಳಿ ಸ್ಪಷ್ಟನೆ ನೀಡಿದೆ.

ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ